Fronte Nazionalak ez du eskualdeko aginterik eskuratzeko jauzia egin
Frantziako muturreko eskuinak ez du eskualdeko gobernurik bereganatzerik lortu tokiko hauteskundeetako bigarren itzulian, nahiz eta lehendabizikoan izandako boto kopurua areagotu duen eta hamahiru eskualdeetako seitan alderdirik bozkatuena izan zen.
Nicolas Sarkozy presidente ohiaren alderdi kontserbadoreak zazpi eskualdetan gobernatuko du, eta François Hollande egungo estatuburuaren sozialistek, berriz, sei eskualdetan agintea izateari eutsiko dio (eskualde batean ez beste guztietan agintzen zuten orain arte).
Marine Le Penek porrota argi onartzea saihestu du. Haatik, herrialde osoan lortu dituen bozen ia % 30ekin, 2017ko presidente izateko hauteskundeei begira egoera onean dagoela baieztatu du.
Herritarren artean egondako mobilizazioak (parte-hartzea % 60tik gertu egon da) irauli egin ditu joan zen astean izandako emaitzak. Horrenbestez, saihestu egin dute ultraeskuindarrek historikoki duten muga gainditzea; hots, bigarren itzuli batean botoen % 50 baino gehiago lortzea.
Manuel Valls lehen ministroak berak ohartarazi duenez, ez da "lasaitasun" edo "triunfalismo" garaia, eskuineko muturraren arriskua "ez baita ezabatu", lehen itzuliak eta aurreko hauteskundeek erakusten dutenez.
Alderdi Sozialistak Nord-Pas-de-Calais Pikardia eta Provence-Alpes-Côte-d’Azur eskualdeetan atzera egin zuen, ezkerreko botoak batuta ezin baitzuten irabazi. Hori horrela, sei eskualdetan garaipena lortzeak hobetu egiten ditu alderdiak zituen aurreikuspenak. Hala ere, 2012an agintera iritsi zenetik etengabe ari da porrotak pilatzen.
Sozialistek orain arte eskualde guztiak kontrolatzen zituen, bat izan ezik. Bere esku daude oraindik Bretainia, Akitania Limousin Poitou-Charentes, Languedoc-Roussillon Midi-Pyrénées, Borgoina Franche-Comté eta Centre-Val de Loire.
Nikolas Sarkozy presidente izandakoaren errepublikanoek, bere aldetik, Nord-Pas-de-Calais Pikardia, Provence-Alpes-Côte-d’Azur, Alsazia Champagne-Ardenne Lorrena, Auvernia Rhône-Alpeak eta Pays de la Loire, Normandia eta Ile-de-France (Frantziako eskualde populatuena eta aberatsena) eskuratu dituzte.
"Gaur egon den mobilizazioak ez digu agintari politikoei ahantzarazi behar lehenengo itzulian egon zen abisua", onartu du estatuburu ohiak bere jarraitzaileen aurrean, eta "batasuna" eskatu die, "hurrengo hauteskundeetan batera aurrera egiteko".
2017. urtea, presidenterako hauteskundeen urtea, ordezkari politiko guztien mintzaldietan agertu da, azken hauteskundeetan izandako emaitzak bi urte barru errepikatu daitezkeela uste baitute.
Bestalde, Frantziako Gobernuko iturriek ezeztatu egin dute azken egunetan François Hollande presidenteak Gobernua aldatzeko asmorik izan duenik, edozein izanik ere eskualdeko hauteskundeetako emaitza; aitzitik, M6 telebista-kateko inkesta batek jakitera eman duenez, frantziarren % 48 jada lehen ministroa aldatzearen alde agertu dira.
Garaipen abertzalea Korsikan
Bestalde, korsikar abertzaleek lehen aldiz hauteskundeak irabazi dituzte uhartean. Lehen itzulian sozialistak gailendu ziren, baina bigarren itzulirako independentistek eta autonomistek bat egin zuten.
Korsikako Biltzarreko 24 aulki izango dituzte abertzaleek; sozialistek baino hamabi gehiago.
Albiste gehiago mundua
Arratsaldean abiatuko da Bartzelonatik Gazara janaria eta sendagaiak eramango dituen flotilla
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Ehunka lagun joan dira Euskal Herritik Bartzelonara igande honetan Gazara abiatuko den flotillari babesa ematera
Bart gauean autobusak atera dira euskal hiriburuetatik Gazako Zerrendara janaria eta sendagaiak eramateko eta Israelen blokeoa eta genozidioa salatzeko abiatuko den flotillari babesa ematera.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.
Israelek Yemengo huthien lehen ministroa hil du Sana hiriburuaren aurkako eraso batean
Israelgo Armadak ostegunean Sana hiriburuaren aurka egindako erasoan hil zen. Erasoaren unean Defentsa ministroa eta Estatu Nagusiko buruarekin bilera egiten ari zen, baina momentuz ez dute horien egoeraren berri eman.
Andri Parubi Ukrainako Parlamentuko presidente ohia hil dute atentatu batean
Tirokatu egin dute Lviv hirian. Poliziak ikerketa abiatu du, baina oraingoz ez dute inor atxilotu. Volodimir Zelenski Ukrainako presidenteak doluminak eman dizkio hildakoaren familiari, eta "hiltzailea zigortzeko eta ikertzeko beharrezkoak diren baliabideak" erabiliko dituztela ziurtatu du.
Espainiak "Gazarako ekintza-plan bat" bidali die EBko buruzagiei
Jose Manuel Albares Espainiako Atzerri Gaietarako ministroaren arabera, "une guztiz erabakigarria da", "erantzun indartsua" eskatzen duena, "ezer ez egiteak ez duelako ezer konpondu". Irtenbide bakarra bi estatu sortzea dela esan du, eta palestinarren ordezkariek NBEren konferentzian parte hartzeko aukerarik ez izatea gaitzetsi du.
Palestinaren aldeko artista juduen kolektibo batek BBCren kontzertu bat eten du, Londresen
"MSOk odola du eskuetan", oihukatu dute Jewish Artists for Palestine (Artista juduak Palestinaren alde) taldeko aktibistek Melbourneko Orkestra Sinfonikoak (MSO) ostiralean Londresko Royal Albert Hall aretoan eskaini duen emanaldian. Urtero udako kontzertuak antolatu ohi ditu BBCk, 'BBC Proms' ekimenaren baitan.
Epaile federal batek blokeatu egin ditu Trumpen deportazio azkarrak, derrigorrezko prozesua urratzen dutelakoan
Urtarrilean, Trumpek etorkinen "berehalako kanporatzeak" berrezarri zituen, lehen agintaldian (2017-2021) egin zuen moduan.