Isiltasuna Japonian, tsunamiaren bosgarren urteurrenean
Japoniak minutu bateko isilunea gorde du gaur, duela bost urte gertatutako lurrikara eta tsunamia gogorarazteko. 18.000 pertsona hil eta desagertu ziren Japoniako ipar-ekialdean, eta Fukushimako zentral nuklearrean istripua eragin zuen hondamendiak.
Hala, 14:46an minutu bateko isilunea gorde dute Japoniako txoko guztietan egindako ekitaldietan. Ordu horretan 9 graduko lurrikara gertatu zen, 2011ko martxoaren 11n.
Zeremonia ofiziala Tokioko Antzoki Nazionalean egin dute. Akihito enperadoreak, Shinzo Abe Japoniako lehen ministroak eta tragediako biktimen senitartekoek parte hartu dute.
“Harresi beltza”
“Sendaiko soroak harresi beltz bat bezala irentsi zituen olatuaren telebistako irudiak ezin izango ditugu ahaztu”, adierazi du Akihito enperadoreak.
Akihito eta Michiko Japoniako enperadoreak. Argazkia: EFE
Akihitok elkartasuna adierazi die hildakoen senitartekoei, eta oraindik “etxera itzuli ahal izan ez diren pertsona guztiei” bere “atsekabea” agertu die.
Abe: "Hondamendiak oraindik jarraitzen duela sentitzen dut"
“Hondamendiak oraindik ere jarraitzen duela sentitzen dut", esan du lehen ministroak. “Pixkanaka-pixkanaka kaltetutako eremuak konpontzen” ari direla azpimarratu du Abek.
Lore eskaintza Sendain (Japonia). Argazkia: EFE
Minutu bateko isilunea herrialdeko beste toki batzuetan errepikatu dute. Era berean, lore eskaintzak egin dituzte leku sinbolikoetan. Tsunamiak gehien astindutako herrietan ekitaldiak egin dituzte, Ishinomakin eta Minamisanrikun esaterako.
Ipar-ekialdeko kostaldeko herrietan zoritxarreko egun hartako tsunami alarma entzun dute berriro. Orduko olatu erraldoiak 20 metroko altuera harrapatu zuen.
2011ko martxoan Japoniako ipar-ekialdea suntsitu zuen tsunami batek eta milaka pertsonak etxera itzuli ezinik jarraitzen dute oraindik. Bertako buruzagiek jakitera eman dutenez, hamarkada bat igarota ere batzuk ezin izango dira bueltatu.
59.000 bat lagunek aldi baterako etxebizitzetan jarraitzen dute
Iwate, Miyagi eta Fukushimako 59.000 bat lagunek aldi baterako etxebizitzetan jarraitzen dute gaur. Hondamendi naturala gertatu ondoren milaka pertsona eskualdetik ateratzeko agindua eman zuten agintariek. Erdia gutxi gorabehera ez dira oraindik euren etxeetara itzuli.
46 herrik etxebizitza berriak eraikitzen eta suntsitutako eremuak garbitzen jarraitzen dute. Hala ere, epe labur eta ertainera lanak bukatzeko oztopoak eta zailtasunak ugari dira.
Minutu bateko isilunea Sendain (Japonia). Argazkia: EFE
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.