Fukushima, milaka pertsona etxerik gabe bost urte geroago
2011ko martxoan Japoniako ipar-ekialdea suntsitu zuen tsunami batek eta milaka pertsonak etxera itzuli ezinik jarraitzen dute oraindik. Bertako buruzagiek jakitera eman dutenez, hamarkada bat igarota ere batzuk ezin izango dira bueltatu.
Iwate, Miyagi eta Fukushimako 59.000 bat lagunek aldi baterako etxebizitzetan jarraitzen dute gaur. Hondamendi naturala gertatu ondoren milaka pertsona eskualdetik ateratzeko agindua eman zuten agintariek. Erdia gutxi gorabehera ez dira oraindik euren etxeetara itzuli.
46 herrik etxebizitza berriak eraikitzen eta suntsitutako eremuak garbitzen jarraitzen dute. Hala ere, epe labur eta ertainera lanak bukatzeko oztopoak eta zailtasunak ugari dira.
Horien artean Fukushimako prefeturako 11 herri daude. 2011ko martxoaren 11n, lurrikarak eta tsunamiak hondamendi nuklearra eragin zuten, eta ehunka mila pertsona herrietatik atera zituzten.
Datorren ostiralean hondamendi naturala gertatu zenetik bost urte beteko dira. 18.500 pertsona hil edo desagertu ziren hondamendian.
Fukushima Daiichi zentralaren istripua Txernobylen (Ukraina), 1986an, gertatutakoaren atzetik larriena izan da. Isuri erradiaktiboek arrantzari, nekazaritzari eta abeltzaintzari kalte handia egin diete.
Naraha, herri mamua
Narahako kaleak basamortua dirudite, nahiz eta bertako biztanleek etxera itzultzeko aukera izan dagoeneko. Herri mamua bilakatu da; izan ere, isiltasuna da nagusi.
Fukushima Daiichiko zentraletik 17 kilometro hegoaldera dago. Nahara gertuen dauden zazpi herrietako bat da, baina ebakuatzeko agindua bertan behera utzi dute buruzagiek.
Etxe bat Naharan (Japonia) ateak eta leihoak itxita. Argazkia: EFE
Hala ere, Japoniako agintariek 2015eko irailean Naharako erradiazio mailak onargarriak zirela erabaki zutenetik, 8.011 bizilagunetik 440 soilik itzuli dira herrira, Udaleko datuen arabera.
Naharan, Fukushima Daiichitik hurbil dauden beste herri batzuetan bezalaxe, lanpostu gehienak zentral nuklearrari lotuta zeuden. Ondorioz, istripuaren ostean biztanle askok lana eta etxea galdu zituzten.
Lore eskaintzak eta isiluneak
Japoniako ipar-ekialdeko herri askok 2011ko martxoaren 11ko lurrikara eta tsunamiaren biktimak gogorarazi zituzten atzo.
Rikuzentakatan, Iwateko prefeturan, ehun bat lagunek, biktimen senitartekoek gehienbat, omenaldia egin zuten. Bestalde, Kesennumako hondartza batean, Miyagiko prefeturan, 50 bat bizilagunek lore eskaintza eta minutu bateko isilunea egin zuten, herriko 40 hildakoak eta 18 desagertuak gogorarazteko.
Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.