Aske geratu dira Sirian bahituta zeuden hiru kazetari espainiarrak
Angel Sastre, Antonio Pampliega eta Jose Manuel Lopez kazetari espainiarrak (Berria egunkariaren kolaboratzaileak dira azken biak), joan zen urteko uztailetik Alepon bahituta zeudenak, duela ordu gutxi aske geratu dira, Espainiako Gobernuko iturrien arabera.
Iturri berak jakinarazi duenez, kazetariak duela ordu gutxi aske utzi dituzte, eta Soraya Saenz de Santamaria Gobernuko presidenteordeak haiekin hitz egin du arratsaldean zehar.
Kazetarien askapena posible izan da "zerbitzari publiko askori esker, eta herrialde aliatuen laguntzarekin", negoziazioaren azken fasean Turkia eta Qatar bereziki.
Hiru kazetariak Turkian daude une honetan, eta bihar iritsiko dira Espainiara, Madrilen dagoen Torrejon Ardozeko hegazkin-basera.ç
Bahituta
Hiru desagertuek freelance gisa egiten dute lan, eta Joan zen uztailaren 10ean iritsi ziren Alepora, Turkiatik. Uztailaren 12tik aurrera, berriz, ez zen gehiago haien berririk izan.
Al Nusra Fronteak (Sirian Al Qaedak duen filialak) harrapatu zituen, eta gatibualdi gehiena Alepoko etxe batean pasa dute, kasua gertutik jarraitu duten iturriek Europa Pressi esan diotenez.
Inteligentzia Zentro Nazionalak (CNI) bazekien non zeuden eta bizi-probak, hots, kazetariak bizirik zeudela adierazten zuten bermeak, ematea eskatu zieten bahitzaileei.
Batzuetan, bizi-proba horiek kazetariei euren lagun edo senideek zuzenean egindako galderak izan dira, eta galdera horien erantzunak kazetariek eurek bakarrik ezagutu ahal zitzaketen. Beste batzuetan, berriz, bizi-proba horiek bideo batzuk ziren, zeinetan bahituek beren izena eta bideoa grabatu zen eguneko data esaten zuten. Oro har, itxura garbia eta osasuntsua erakusten zuten.
Bahiketaldian zehar, erreportariek bidezko tratua jaso dute; izan ere, zenbaitetan futbola ikusi edota gertukoekin gutunak gurutzatzea utzi diete.
Bahituta igaro duten tarte batean eurekin batera egon omen ziren japoniar bat eta haurdun zegoen alemaniar emakumezko bat.
Profilak
Antonio Pampliega. Argazkia: EFE
Antonio Pampliega hainbat komunikabideren kolaboratzaile da eta, besteak beste, 'Un mundo en guerra' blogaren egilea. Bertan dio 2008tik gatazka armatuak jarraitzen espezializatu dela.
Angel Sastre. Argazkia: EFE
Angel Sastrek ere komunikabide askorekin lan egiten du, eta Amerika Latinoko eta Ekialde Hurbileko gatazketan ibili izan da. Twitterreko kontu pertsonalean azaltzen duenez, "bihotza zatitua" du Amerika Latinoaren eta Ekialde Hurbilaren artean.
Jose Manuel Lopez. Argazkia: EFE
Azkenik, Jose Manuel Lopez argazki-kazetari ezaguna da, nazioartean hainbat sari eman baitizkiote gune gatazkatsuetan ateratako argazkiengatik.
Zure interesekoa izan daiteke
6,5 graduko lurrikara batek Mexiko erdialdea astindu du
Hegoaldeko Guerrero estatuko kostaldean izan du epizentroa lurrikarak, Ozeano Barean, baina astindua herrialdeko hainbat hiritan antzeman dute, Mexikoko hiriburua barne. Oraindik ez dute kalte material edo pertsonalik jakinarazi.
Bengala bat, Urtezahar egunean Suitzako taberna batean sua piztu izanaren arrazoi nagusia
Oraingoz, ez dago argi zenbat pertsona zeuden lokal horretan, baina hainbat lekukok adierazi dute sutea gertatu zen ordurako bengala zuten xanpain botila batzuk piztuta zeudela, eta sarrera bakarra oso estua zela deitoratu dute.
Irango protestetan "manifestariak hiltzen badituzte" herritarrak "erreskatatuko" dituela ohartarazi du Trumpek
Irango Gobernuak bere programa nuklearra berriro garatzen saiatzen ari dela adierazi du Trumpek azken egunotan, eta balizko bonbardaketekin erantzuteko prest agertu da, ekainean Israelekin egin bezala.
Zazpi pertsona hil dira Iranen, egoera ekonomikoak okerrera egin duela salatzeko deitutako hainbat manifestaziotan
Manifestazioak igandean hasi ziren Teheranen, eta dozenaka hiritara zabaldu dira azken egunotan, besteak beste, Isfahan, Kerman, Kermanshah, Hamadan eta Qom hirietara. Iran krisi ekonomiko larrian dago, urteko % 42ko inflazioarekin.
Txina medikamentuen eta antisorgailuen BEZa kobratzen hasi da, jaiotza-tasa estimulatzeko
Pekinek 30 urte baino gehiagoz indarrean egon den salbuespen fiskal bat ezabatu du krisi demografikoaren erdian.
Gutxienez 40 hildako eta 115 zauritu, gehienak larri, Suitzako Crans Montana eski-estazioan izandako sute batean
"Le Constellation" tabernan ospatzen ari ziren urte berriko festan piztu da sute bortitza, 01:30ean. Agintariek ez dute espekulaziorik egin nahi sutearen arrazoiaren inguruan baina erabat baztertu dute atentatuaren hipotesia. Bi lekukok azaldu dutenez, sua egurrezko sabaira gehiegi hurbildu ziren bengala batzuen ondorioz piztu zen, eta "oso azkar" zabaldu zen.
Sute batek eliza historiko bat kiskali du Amsterdamen Urtezahar gauean
Amsterdamgo Vondelkerk eliza historikoa, XIX. mende amaierako eraikina, erabat suntsituta geratu da bart sute baten ondorioz. Inguruko etxebizitzak hustu behar izan dituzte eta, zorionez, ez da inor zauritu ezbeharrean. Gertakariaren arrazoi ofizialak ezagutzen ez diren arren, herritar batzuek su artifizialak ikusi zituzten elizaren dorretik getu.
Moneta aldaketa Bulgarian: euroak lev moneta ofiziala ordezkatu du
Europar Batasunean (EB) duela 19 urte sartu bazen ere, Bulgaria orain arte eurogunetik kanpo egon da. 2026ko urtarrilaren 1etik, Bulgaria eurogunera sartu den 21. herrialdea da.
Zohran Mamdanik New Yorkeko alkate kargua hartu du
Alkate demokratak gauerdiaren ostean hartu du kargua, hiriko metro geltoki historiko batean egindako ekitaldi batean. New Yorkeko alkate gisa egin dituen lehen adierazpenetan, "ohorea eta pribilegioa" dela nabarmendu du.
Indarrean da Israelek Gazan jarduten duten 37 GKEri jarritako betoa
Israelek nazioarteko erakunde humanitarioei (Mugarik Gabeko Medikuak eta UNRWA) lizentziak kendu dizkie, eta jarduera etetea eta martxoaren 1a baino lehen Gazatik alde egitea exijitu die, erregistro-prozesu polemiko bat ez osatzeagatik.