Bi metroko tsunamia izan da Zeelanda Berrian, lurrikara baten ostean
Zeelanda Berriko adituek bi metroko tsunamia neurtu dute Hego uhartean, 7,8 graduko lurrikara bat eta hainbat erreplika izan ostean. Gutxienez bi lagun hil dira, eta ehunka herritar ebakuatu behar izan dituzte, kostaldeko hainbat tokitan bost metrorainoko olatuak izatea espero zutelako. Bertako komunikabideen arabera, argindar zerbitzua eten egin da, eta larrialdi zerbitzuek zenbait pertsona erreskatatu dituzte helikopteroz.
Kalte materialak dendetan eta kaleetan, lurrikararen ondorioz. Argazkia: EFE
"Tsunamia izan da, eta Hego uharteko ipar-ekialdeko kostaldera iritsi da lehenengo olatua", azaldu du Defentsa Zibilerako eta Hondamendien Kudeaketarako Ministerioak Twitterren bidez.
"Zonalde altuetara edota barnealdera" jotzeko eskatu diete agintariek ekialdeko kostaldeko herritarrei, baita eraikinetako goiko solairuetara joatea eta zuhaitzetara igotzea ere. "Irratia entzun eta larrialdi zerbitzuen aginduak jarraitu", esan dute arriskuaz ohartarazteko zabaldu duten mezuan.
Zeelanda Berrian 23:02 zirenean (UTC+13) jazo da lurrikara, eta 23 kilometroko sakoneran izan du epizentroa, Ameriketako Estatu Batuetako Zerbitzu Geologikoaren arabera.
Lurrikarak eragindako kalteak aztertzen ari dira orain, baina litekeena da Cheviot udalerriko hainbat etxe kaltetu izana, New Zealand Herald hedabideak webgunean zabaldu duenez.
Pazifikoaren eta Ozeaniaren plaka tektonikoen arteko failaren gainean dago Zeelanda Berria, eta, ondorioz, 14.000 lurrikara pairatzen ditu urtero. Horietatik, 100 eta 150 bitartean nabaritu ohi dituzte herritarrek.
2011ko otsailaren 22an 185 lagun hil ziren 6,3 graduko lurrikara batek Christchurcheko hiria (Hego uhartea) astindu zuenean. Gainera, kalteak eragin zituen 30.000 eraikinetan.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.