Zibereraso masiboa, mundu zabalean barrena
Ostiral honetan Telefonica eta Espainiako beste enpresa handi batzuen kontra egindako zibererasoa masiboa izan da eta beste hainbat herrialdetako sistema informatikoak ere kaltetu ditu, hala nola, Erresuma Batuan, Taiwanen, Ukrainan, Errusian edo Turkian.
Hala baieztatu du Agustin Muñoz-Grandes S21sec segurtasun enpresaren zuzendari exekutiboak.
'Ransomware' birusa 'Wannacry' software maltzurraren bertsio bat da. Ordenagailuan instalatzen da eta fitxategi guztiak enkriptatzen ditu. Ondoren erreskate bat eskatzen du, sistema informatikoa libre uztearen truke. Erreskate hori 'bitcoin' moneta birtualaren bidez ordaindu behar da eta ezinezkoa da haren arrastoa jarraitzea.
Birus hori normalean jatorri ezezaguneko korreo elektroniko bidez heltzen da ordenagailuetara eta erabiltzaileak bertan dagoen artxiboa irekitzean kutsatzen du makina.
Alarmak goizean piztu dira, 'ransomware' software maltzurra erabilita, Telefonicari eta Espainiako beste enpresa batzuei eraso egin diotenean.
Telefonicaren barne sareko ordenagailuak kaltetuta geratu dira eta konpainiak Madrilen duen egoitza nagusiko ordenagailu guztiak itzali egin behar izan ditu. Eraso horren ondotik, beste enpresa handi askok, Iberdrolak eta Gas Natural Fenosak, adibidez, ere euren sistemak itzali egin dituzte, badaezpada.
Arratsaldeko lehen orduan, beste zibereraso batek Ingalaterrako ospitale eta osasun zentroetako sistema informatikoak blokeatu ditu. Erasoaren ondorioz larrialdietako pazienteak eta anbulantziak beste zentro batzuetara eraman behar izan dituzte, baita bisitak bertan behera utzi ere.
Erresuma Batuko inteligentzia zerbitzuak gertatutakoa ikertzen ari dira eta, lehendabiziko datuen arabera, gutxienez 16 erietxe, osasun zentro eta hortz klinika kaltetu ditu erasoak.
Ingalaterrako Sistema Publikoaren arabera, 'Wanna Decryptor' izeneko software maltzurra erabilita kutsatu dituzte sistema informatikoak.
Langileen ordenagailuetako pantailetan mezu bat agertu da, egoera bere onera bueltatzeko erreskate ekonomiko bat ordaintzeko exijituz. Telefonicaren kasuan gertatu den bezala, hain zuzen ere.
Erresuma Batuko komunikabideek aipatutako adituen esanetan, zibereraso honek nazioarteko hainbat herrialdetan izan du eragina: Ameriketako Estatu Batuetan, Txinan, Errusian, Italian eta Vietnamen.
'Ransomware' birusa
'Ransomwarea'k -WannaCryren bertsio bat dena- ordenagailua kutsatzen du eta bertan dauden artxibo guztiak zifratzen ditu, komandoak exekutatzeko ahultasun bat baliatuta. Gerora, sare horretan dauden eta Windows sistema eragilea erabiltzen duten ordenagailuetara zabaltzen da birusa.
Hauek dira kaltetutako sistema eragileak:
- Microsoft Windows Vista SP2
- Windows Server 2008 SP2 eta R2 SP1
- Windows 7
- Windows 8.1
- Windows RT 8.1
- Windows Server 2012 eta R2
- Windows 10
- Windows Server 2016.
Albiste gehiago mundua
Gaza azken urteetako gatazkarik hilgarriena bihurtu da langile humanitarioentzat
NBEk salatu duenez, langile humanitarioen aurkako erasoen aurrean erabateko zigorgabetasuna dago, eta nazioarteko komunitatearen geldotasuna eta apatia salatu ditu.
Netanyahuk antisemitismoa elikatzea leporatu dio Macroni, Palestinako Estatua onartzeagatik
Eliseoak Israelgo lehen ministroaren hitzak "okerrak eta zitalak" direla eta "erantzunik gabe geratuko ez" direla esan du.
Pakistanen 700 pertsona baino gehiago hil dira uholdeen ondorioz, eta dozenaka desagertu daude
Montzoiaren denboraldia hasi zenetik, 706 pertsona hil dira Pakistanen izandako euriteen ondorioz, azken datu ofizialen arabera. Shehbaz Sharif lehen ministroak kaltetutako zonaldeak babesteko konpromisoa hartu du, eta bere kabineteko kideek hilabeteko soldata emango dutela iragarri du, sorospen lanak finantzatzeko.
Putin Zelenskirekin biltzeko prest egotea txalotu du Bruselak
Europako Batzordea lanean ari da Ukrainarekin eta AEBrekin hitzordua "lehenbailehen" prestatzeko.
Suediako Kiruna udalerriko eliza ikonikoa bost kilometro lekualdatzeko lanak hasi dituzte, errepidez
Suedia iparraldeko Kiruna udalerriko eliza ikonikoa bost kilometro lekualdatzeko lanak hasi dituzte, errepidez, bertako meategia handitu behar dutelako. Eliza 40 metro zabal da (672 tonako pisua), eta gaur hasitako operazioa asteazken arratsaldean amaitzea aurreikusi dute. Eliza daraman trailerra 500 metro orduko abiaduran mugituko da eta lekualdaketa zuzenean jarraitu ahal da Suediako telebista publikoaren webgunean.
Trumpek iragarri du Putin eta Zelenskiren arteko aldebiko bilera "antolatzen" hasi dela
Balizko aldebiko bilera horren ondoren, presidente estatubatuarra ere batuko litzateke elkarrizketetara. Bestalde, Zelenskik 77.000 milioi euroko balioa duten armak erosteko eskaintza egin dio Trumpi, Ukrainarentzako segurtasun bermeak ematearen truke.
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.