Zer da ransomware eraso bat?
Telefonicak eta beste hainbat erakundek zibererasoa jasan dute 'ransomware' izeneko software maltzurra erabilita, eta horrek kezka sortu du.
Espainiako Kriptografia Zentroak ohartarazi duenez, ziberaso honek Windows erabiltzen duten ordenagailuetako artxiboak zifratu eta konputagailu horiek konektatuta dauden unitate sareak kutsatzen ditu, birusa sare horretan dauden gainerako Windows sistema-eragileetara zabalduta.
Zehatz-mehatz esanda, ransomwareak —WannaCryren bertsio bat dena— ordenagailua kutsatzen du eta bertan dauden artxibo guztiak zifratzen ditu, komandoak exekutatzeko ahultasun bat baliatuta. Gerora, sare horretan dauden eta Windows sistema eragilea erabiltzen duten ordenagailuetara zabaltzen da birusa.
Hauek dira kaltetutako sistema eragileak:
- Microsoft Windows Vista SP2
- Windows Server 2008 SP2 eta R2 SP1
- Windows 7
- Windows 8.1
- Windows RT 8.1
- Windows Server 2012 eta R2
- Windows 10
- Windows Server 2016.
Espainiako Kriptografia Zentroak sistema eragileak gaurkotzea edota partxe bat instalatzea gomendatzen du. Sostengurik ez duten edota partxerik instalatu ezin den kasuetarako, Windows 7 kasu, saretik deskonektatzea edota ordenagailua itzaltzea aholkatzen du.
Ricardo Mate Sophos Iberiako zuzendariak azaldu duenez, hainbat langilek mezu elektronikoak jaso dituzte gaur goizean, bitcoinetan bahisari bat ordaintzea eskatzeko.
Wannacryren berezitasuna zera da, bera bakarrik hedatzen dela baldintza batzuen arabera. Zer esan nahi du horrek? Malware horrek sarrera bat behar duela (email bat adibidez), baina ondoren sareko ekipo guztietara hedatu daiteke.
Horregatik, email susmagarrietan klik ez egiteko gomendioa ez da nahikoa. Erasoa gelditzeko, ordenagailuak itzaltzea edota sarea deskonektatzea dira neurri eragingarrienak.
Nolanahi ere, Sophos Iberiatik gomendatu dute noizean behin segurtasun kopiak egitea, eta horiek zifratzea. Kopia horiek, gainera, ez lukete egon beharko ordenagailuan bertan.
Programa guztietan azken eguneraketa instalatu behar da, eta ‘makroak’ ez dira aktibatu behar.
Era berean, administratzaile profilarekin denbora gutxi konektatuta egotea eta tarte horretan artxiborik ez irekitzea gomendatu dute.
Zure interesekoa izan daiteke
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.