Gutxienez 35 pertsona hil dira Kabulen, atentatu suizida batean
Gutxienez 35 pertsona hil eta hainbat zauritu dira gaur, astelehena, Kabulen (Afganistan) izan den atentatu suizida batean, lehergaiz lepo zegoen auto bat leherrarazita, funtzionario afganistandarrak bizi diren etxebizitza gune batean.
Eztanda hango 07:00ak aldera (04:30ean, gurean) izan da, 3. Polizia Barrutiko kale batean, hiriburuko mendebaldean, Najib Danish Barne Ministerioko bozeramaileak Eferi adierazi dionez.
Danishen esanetan, Facebooken argitaratu duenaren arabera, hildako "guztiak zibilak" dira, eta leherketa izan den lekuan hiru auto eta 15 denda ere kaltetu direla gaineratu du.
Atentatua funtzionarioak bizi diren leku batetik oso gertu izan den arren, denda eta establezimendu horietan egin ditu kalterik handienak eztandak.
Azken hilabeteotan, atentatu larriak izan dira hirian, besteak beste, aurreko maiatzaren 31n lehergaiz betetako kamioi batekin egindakoa. Atentatu horretan, 150 pertsona hil eta 300 bat zauritu ziren, eta AEBko soldaduak Afganistanen sartu zirenetik (2001) egin duten atentaturik larriena izan da.
Gerran, zibilak hil dira, nagusiki.
NBEk Afganistanen duen taldeak aurreko astean iragarri zuenez, gatazkak marka hautsi du berriro, zibilen hildako kopuruari dagokionez: urteko lehen sei hilabeteetan, 1.662 hildako, 2016an baino % 2 gehiago eta, haur eta emakumeen kasuan, % 9 eta % 23 gora egin du kopuruak, hurrenez hurren.
Talibanek aldarrikatu dute
Zabihula Muyahid talibanen bozeramaileak atentatua aldarrikatu du Twitter sare sozialean argitaratutako mezu batean. Horren esanetan, "Inteligentziako 37 langile" hil dira, eta, zehaztu duenez, atentatuaren helburua orain dela bi hilabetetik kontrolatzen ari ziren bi autobus ziren.
Segurtasun indarren arabera, Meatze Ministerioko autobus txiki bat suntsitu da leherketan. Gainera, beste hiru ibilgailu pribatu eta 15 denda ere kaltetu edo suntsitu dira, Barne Ministerioaren hitzetan.
Zure interesekoa izan daiteke
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.