Hainbat hildako Venezuelan, Biltzar Konstituziogilearen bozketa egunean
Venezuela Biltzar Konstituziogileko kideak hautatzen ari da igande honetan Nicolas Maduro presidenteak deitutako hauteskundeetan. Prozesu horrek Venezuela barruan zein nazioartean kritika zorrotzak bildu ditu, tarteNa Batasun Demokratikoaren Mahaia (MUD) oposizioko alderdiarenak, uste baitu ez dela Konstituzioa aldatzeko prozesu egokia eta Venezuelan "chavismoaren diktadura" sendotzeko aukerari ateak irekiko dizkiola.
Hauteskunde egunean oposizioa hainbat protestaldi egiten ari da herrialde guztiko hiri eta udalerritan, eta azken orduetan liskar ugari izan dira manifestari eta polizien artean.
Oposizioak hauteslekuen aurrean ez protestatzeko adierazi die euren jarraitzaileei venezuelarren arteko gatazkak ekiditeko, baina Caracasen elkarretaratze handia egitera deitu ditu bere jarraitzaileak, euren iritziz "iruzurra" dena saihesteko asmoz.
Hainbat venezuelar hautesleku baten aurrean. Argazkia: EiTB
Alabaina, deialdi horrek Maduroren Gobernuari erronka egiten dio, joan zen ostegunen hauteskunde-prozesuari eragin diezaiokeen edozein manifestazio edo bilera debekatu baitzuen, eta segurtasun indarrek ekin diote protestetako zenbaiten aurka egiteari.
Ministerio Publikoa hainbat heriotza ari da ikertzen
Venezuelako Ministerio Publikoak jakitera eman duenez, azken orduetan izandako istiluetan hil diren zortzi pertsonen heriotzen nondik norakoak ikertzen ari da. Horien artean Biltzar Konstituziogilerako hautagai bat dago eta oposizioaren aldeko sei kide eta polizia bat.
Istiluak Venezuelako kaleetan. Argazkia: EiTB
Aitzitik, oposizioaren arabera, dagoeneko hamahiru lirateke azken 24 orduetan hauteskundeekin lotutako liskarretan hil diren pertsonen kopurua.
Leherketa Polizia igarotzen ari zirela
Venezuelako Poliziako zazpi kidek zauriak izan dituzte igande honetan Caracasen izandako eztanda handi baten ostean, hainbat herritar hauteskundeen aurka egiten ari ziren protesta batetik gertu.
Agenteak moto gainean patruilatzen ari ziren Altamira gunean, eta igaroaldian leherketa bat gertatu da, oraindik argitu ez diren arrazoiengatik.
Eztanda izan den uneko irudiak. Argazkia: EFE
"Hauteslekuen % 99,5, irekita"
Tibisay Lucena Hauteskundeen Batzorde Nazionaleko presidenteak nabarmendu du "hauteslekuen % 99,5 irekita" daudela . "Jendea parte hartzen ari da, euren etxeetatik ateratzen ari dira beren burujabetza botoen bidez adierazteko", azaldu du.
Lucenaren esanetan, "zenbait arazo gune" egon arren, horrek ez du oztopatu hauteskunde eguna. Aldi berean, gogoratu du hauteslekuak irekita dauden bitartean emaitzarik ematea debekatuta dagoela. Bere aurreikuspenen arabera, hauteslekuak itxi eta hiru ordura emaitza ofizialak ematen hasteko moduan izango dira.
Herritarrak hauteskundeetan parte hartzen. Argazkia: EFE
"% 7ko parte-hartzea", oposizioaren esanetan
Venezuelako oposizioaren hitzetan, gaurko hauteskundeak "zero babes" izan du, eta hauteslekuak ixteko ordu gutxi geratzen direnean hautesleen "% 7k besterik ez du bozkatu".
Batasun Demokratikoaren Mahaiaren bozeramaile gisa jardun den Julio Borges Legebiltzarreko presidenteak esan duenez, "milioi erdi pertsona baino gutxiagok" eman du botoa.
Venezuelako hauteskunde-erroldak 19,5 milioi lagun biltzen ditu, eta, Borgesen arabera, Tibisay Lucena Hauteskundeen Batzorde Nazionaleko presidenteak "iruzurrezko emaitzak" agertu dituen txosten bat dauka prestatu, eta bertan 8,5 milioi boto-emaileren parte-hartzea jasotzen omen da.
Herritar bat bere boza ematen. Argazkia: EFE
Maduro: "Bakearen aldeko lehen botoa"
Nicolas Maduro Venezuelako presidentea eta Cilia Flores haren emaztea lehenetarikoak izan dira euren boza ematen; izan ere, ireki eta berehala, 06:05ean, bozkatu dute Miguel Antonio Caro ikastetxean (Catia).
"Lehendabiziko botoa izan nahi nuen", adierazi du Madurok boza eman eta gutxira hedabideen aurrean. "Bakearen, independentziaren eta Venezuelaren subiranotasunaren aldeko lehen botoa, baita etorkizuneko lasaitasunaren aldekoa ere", adierazi du.
Ondoren, gaurko egunaren balio sinbolikoa azpimarratu nahi izan du. "Gaurko egunez, 1973ko uztailaren 30ean Bolivar bataiatzen ari ziren, eta umetxo harengatik gaude orain hemen. 2000ko uztailaren 30ean Chavez komandantea Errepublikako presidente hautatu zuten eta 99ko Konstituzioa berretsi zuen", erantsi du.
"Defendatu beharreko ondare bat daukagu, askatzaileen ondarea", iritzi dio Madurok Donald Trump AEBko presidenteari hitz batzuk zuzendu aurretik. Izan ere, Trumpek Venezuela zigortzea agindu du gaurko hauteskundeak egiten badira.
"Ez dago lurraren gainean Venezuelari bere eskubide demokratikoa galaraziko dion botererik", gaineratu du.
Zure interesekoa izan daiteke
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.