Venezuelak Konstituziogilea aukeratu du, 8 milioi boto baino gehiagorekin
Venezuelak aukeratu egin ditu Asanblea Konstituziogilea osatuko duten ordezkariak, Konstituzioa aldatu eta herrialdearentzat garrantzitsuak diren hainbat lege onartuko dituena. Azken asteetan, liskar handiak, protestak, kritikak eta istiluak izan dira Konstituziogilea dela eta.
19,5 milioi pertsona inguru erroldatuta zeuden bozketan parte hartzeko, eta horien % 41,53k bozkatu du, protestek eta heriotzek, bai oposatzaileen aldetik, baita chavisten aldetik ere, baldintzatutako egunean. Azken datuen arabera, 10 pertsona hil dira hauteskunde egunean.
Parte-hartze datuak Tibisay Lucena Hauteskunde Kontseilu Nazionalaren (CNE) presidenteak aurkeztu ditu, hauteslekuek beste ordubetez zabalik izan ostean.
"Ez dira gutxi izan gaurko zailtasunak", esan du Lucenak. Prozesuaren aurka "edonolako mehatxuak" izan dira, salatu duenez, baina gainditu ahal izan dituzte eta, hori dela eta, balantze "oso positiboa" egin dute.
Hauteskunde Boterearen burua, gainera, pozik agertu da bozketa "baketsua, demokratikoa eta indarkeriarik gabekoa" izan delako, nahiz eta Fiskaltzak 10 pertsona hil direla konfirmatu duen. Heriotzok oposizioak deitutako protesta ekintzetan gertatu dira, nagusiki.
Lucenaren esanetan, hautesleek 22:00ak ingurura arte jo dute hauteslekuetara bozkatzera, manifestariek lokaletako asko erre edo apurtu eta, hortaz, leku berriak prestatu behar izan dituztelako.
Polizia talde baten aurka egindako erasoa, atzo, Caracasen. Argazkia: EFE
Errektoreak gogorarazi duenez, asteartean komunitate indigenetako 8 ordezkari aukeratzea falta da. Bozketak kritikak jaso ditu "hauteskunde-errolda zatitzen" duela iritzita.
Bestalde, Venezuelako oposizioak ziurtatu duenez, Asanblea Konstituziogilea aukeratzeko bozketan % 88ko abstentzioa izan da.
"2,48 milioi venezuelar inguruk bozkatu dute, eskuartean ditugun datuen arabera, eta % 88ko abstentzioa izan da", adierazi du Henry Ramos Allup Asanblea Nazionaleko diputatuak, Facebooken argitaratutako bideo batean.
Konstituziogileak Konstituzioa aldatu eta egungo sistema juridikoa, besteak beste, aldatzeko helburua dauka eta, oposizioaren arabera, Venezuelan "diktadura egonkortzeko" saiakera da.
Kolonbia, Mexiko, Estatu Batuak, Espainia eta Europar Batasunak besteak beste, iragarri dute ez duela Asanblea Konstituziogilea aitortuko. Washingtonek, bere aldetik, aurreratu du zigorrak ere ezarriko dituela, Donald Trumpen Gobernuak demokraziaren aurkakotzat jotzen duen prozesuaren aurrean.
Madurok aurkezteko desafioa egin dio oposizioari
Nicolas Maduro Venezuelako presidenteak urte amaieran egitekoak diren hauteskundeetara aurkezteko desafioa egin dio Batasun Demokratikoaren Mahaian (MUD) bat eginda dagoen oposizioari.
"Desafioa egiten diot MUDi: indarkeria alde batera utzi, politikagintzara itzuli, erronka onartu eta hauteskundeetan neurtuko gara, ea nork irabazten duen", esan du presidenteak, zaleen Asanblea Nazional Konstituziogilearen bozketaren datuak ezagutarazi eta gero egindako agerraldi batean, horren jarraitzaileen aurrean.
"Halere, mahaian jesartzen bazarete egingo da, Egia eta Justiziaren Batzordearen mahaian parte hartzen ez baduzue, beste kuku batek joko du", esan du.
"Konstituziogilea heldu da, dena konpontzeko", Madurok gaineratu duenez. "Batzuek ziega batean bukatuko dute, beharrezko justiziaren agintepean", erantsi du.
Halaber, presidenteak Luisa Ortega Diaz Ministerio Publikoaren burua ere kritikatu du, eta Konstituzioa urratu eta herrialdea "Estatu polizial" bihurtzea egotzi dio. Gainera, bere esanetan, ez du esku hartu indarkeria izan denean, orain dela ia lau hilabete hasi ziren protestak hasi zirenetik.
Zure interesekoa izan daiteke
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.