Irmak herrialdea suntsituko duela iragarri du AEBko Larrialdi Agentziak
FEMA AEBko Larrialdien Kudeaketarako Agentzia Federalak ohartarazi duenez, Irma urakanak herrialdea suntsituko du, zehazki, Florida estatuan lur hartzen duenean.
"Irma urakanak mehatxu bat izaten jarraitzen du eta Florida edota hego-ekialdeko estaturen bat suntsituko du", adierazi du Brok Long FEMAko buruzagiak. Gaineratu duenez, AEBko agintariak ekaitzari erantzun masibo bat emateko prestatzen ari da. Aurreikuspenen arabera, larunbatean ukituko du lurra urakanak.
Prentsaren aurrean Longek ziurtatu duenez, Floridako hainbat gune argindarrik gabe gera daitezke egun batzuetan Irmaren eraginez eta litekeena da 100.000 pertsona baino gehiagok aterpea behar izatea.
Brok Longen esanetan, estatubatuarrek ebakuazio aginduak bete behar dituzte: "Entzun, ohartarazpenak obeditu eta alde egin behar dute", nabarmendu du.
Irma, Ozeano Atlantikoan inoiz sortu den urakanik handiena
Munduko Meteorologiaren Erakundeak adierazi duenez, Irma urakana da Ozeano Atlantikoan inoiz sortu den urakanik handiena. Ia 300 km/h-ko haize boladak neurtu dira eta bere aurreko zortzi zikloiek eragindako energia baino gehiago sortu du.
Irma urakanak bosteko indarra zuen Saffir Simpson eskalan, baina azken orduetan laura jaitsi da.
Aipaturiko urakanak hainbat marka hautsi ditu, tartean intentsitate eta sortutako energiari dagozkionak. Ia 300 km/h-ko haize ufadak eragin ditu 37 orduz jarraian. Halaber, pilatutako energiari lotutako errekorrak ere gainditu ditu; izan ere, bere aurreko Atlantikoko zortzi zikloiek sortutako energia baino gehiago sortu du zazpi egunetan.
Irmaren gaitasun suntsitzaile “historikoaz” ohartarazi du Trumpek
Irma urakanak “gaitasun suntsitzaile historikoa” duela ohartarazi du Donald Trump Ameriketako Estatu Batuetako presidenteak. Ekaitzak lurra ukituko du Floridan, asteburu honetan.
“Ekaitzaren bidean dagoen mundu guztiari kontuz ibiltzeko eta gomendioak jarraitzeko eskatu nahi diot”, adierazi du Trumpek sare sozialetan zabaldutako bideo batean. “Herritarren segurtasuna baino gauza garrantzitsuagorik ez dago”, gaineratu du.
“Irma urakana erraldoia da, baliteke sekula ikusitako handiena izatea”, onartu du presidenteak Twitter sare sozialean, bideoa argitaratu baino ordu batzuk lehenago.
Zure interesekoa izan daiteke
Leon XIV.ak gerraren eta botere gehiegikeriaren aurkako aldarria egin du bere lehen gurutze bidean
Leon XIV.a izan da Ostiral Santuan bere agintaldiaren lehen gurutze bidean buru, Erromako Eliseoan. Gerra eta botere gehiegikeriaren aurkako aldarrikapena egin du milaka eta milaka fededunen aurrean, eta argi esan du: "Agintari orok Jainkoaren aurrean erantzun beharko du jasotako boterea erabiltzeko moduagatik".
Erregaien prezioek igotzen jarraitzen badute, Europar Batasunak ez du baztertzen errazionamendua ezartzea
Dan Jørgensen Europako Energia komisarioak adierazi duenez, "eszenatoki txarrenetarako prestatzen ari gara, baina oraindik ez dugu produktu kritikoak (kerosenoa edo diesela) errazionatu beharrik".
Iranek ziurtatu du AEBko beste ehiza-hegazkin bat eraitsi duela, herrialdearen erdialdean
AEBko agintariek ez dute, oraingoz, gaiari buruzko adierazpenik egin; hala ere, lehen hegazkinetik tripulatzaileetako bat erreskatatu dutela ziurtatu dute.
Gutxienez hiru kasko urdin zauritu dira Libano hegoaldeko instalazioetan izandako leherketa batean
Israelek 1.368 pertsona hil ditu jada herrialdearen aurka egindako eraso armatuetan. Halaber, Israelgo Armada Libano hegoaldeko herrixketan etxebizitzak eraisten hasiko da, bertatik 600.000 pertsona kanporatu ondoren. Hezbollah taldearen "kokalekuak" direla ziurtatu du Israelek.
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.