Kennedyren hilketari buruzko dokumentu sailkatuak, argitara
John F. Kennedyren hilketari buruzko fitxategien azken bilduma argitaratuko du, zati batean edo osorik, Estatu Batuetako Gobernuak. Dokumentuek Gerra Hotzan CIAk eta Mexikoren artean egindako akordioak argitu litzakete.
Estatu Batuetako Artxibo Nazionalek sailkatutako eta gordetako 3.100 espediente ofizial dira. 1992ko lege batek agindu bezala, ostegun honetan argitaratu beharko lirateke. Donald Trumpek hauetako batzuk geldi litzake, CIAk "kontuzko" dokumentutzat hartzen dituenak, baina argitaratuko direla esan du presidenteak.
Zenbait dokumentu blokeatzekotan, ezin izango dira 25 urte igaro arte argitaratu, eta momentu horretako presidenteak erabakiko du. Hedabide batzuen arabera, fitxategi batzuk sailkatuta jarrai dezaten presionatu du CIAk.
Historialari batzuk eta konspirazioaren teorien aldekoak zain daude. Warren batzordeak 1963ko hileta ikertu zuen, eta Lee Harvey Oswald hiltzailea izan zela ondorioztatu zuen, eta gainera, bakarrik burutu zuela. Ez da ezustekorik espero, baina badaude teoria hori sinesten ez dutenak.
John R. Tunheim epaile federalarentzat, aldiz, oso zaila da dokumentuek ezustekorik ez ematea. "Bihar argitaratuko den guztia da interesgarria, Kennedyren hilkeatekin zerikusia duen guztia interesgarria delako", esan du Tunheimek.
Estatu Batuen eta Mexikoren arteko harremanari buruzko zehaztasunak egon daitezke dokumentuetan. Inteligentzia partekatu zuten bi herrialdeek, eta Oswaldek AEBek zaindutako Kubako eta Soviet Batasunaren enbaxadak bisitatu zituen Mexiko Hirian.
AEBetako gobernuak hilketaren inguruan dauzkan azken dokumentuak dira hauek, baina badago argitaragabeko informazio gehiago beste eskuetan, hala nola, "Jakie Kennedyk emandako elkarrizketak, epaileek babestuak", "Jack Rubyren (Oswalden hiltzailea) abokatuen" artxiboak eta KGBren dokumentuak Moskun, epaileak azaldu duenez.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Israelek Iranek eta Qatarrek partekatzen duten gas plantaren aurkako erasoa egin du. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzeko itsasartera laguntza bidaltzeko prest agertu dira
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.