Santos: 'Venezuela nire amesgaiztorik okerrena bihurtu da'
Kolonbian izan dezakeen eragina dela eta, Venezuelako krisi politikoa eta ekonomikoa "amesgaizto" guztien artean "okerrena" dela esan du Juan Manuel Santos Kolonbiako presidenteak.
"Nire amesgaiztorik okerrena bihurtu da Venezuela. Egoerak eztanda egiten badu milioika lagun etorriko dira Kolonbiara Venezuelatik ihesi; eta hori sekulako arazoa izango da, bake prozesuan eta oro har Kolonbian, eragin bortitza izango baitu", adierazi du Santosek.
"Venezuelako egoerari irtenbide baketsua eta demokratikoa ematen laguntzen saiatu gara, baina zoritxarrez kale egin dugu", gaineratu du Juan Manuel Santosek, Londresen, Chatham House saria jaso ostean emandako hitzaldian. Kolonbiako Indar Armatu Iraultzaileekin lortutako bake akordioagatik jasotako saria da, Santosek Erresuma Batuan jasotakoa.
Hala ere, egoerak okerrera egin arren, Kolonbia eta Venezuela arteko muga ixteko asmorik ez duela aitortu du Santosek. Bi herrien arteko muga 2.219 kilometrokoa da, eta hamaika toki ditu herri batetik bestera legez kontra igarotzeko. Azken boladan asko eta asko dira Venezuelatik Kolonbiara igaro direnak erregaien zein elikagaien kontrabandoa egiteko, baita droga trafikoan aritzeko ere.
Egunero milaka venezuelarrak muga gainditzen dute Kolonbian lan egiteko, ikasteko edo botikak eta elikagaiak erosteko; horietako asko, gainera, Bogota, Medellin, Kali eta Barranquilla hirietara joan dira bizimodu berrien bila, migrazio agintarien datuen arabera.
"Bizimodu hobeago baten bila Kolonbiara datozen pertsonak jasotzen ditugu egunero, eta horrek zama kaltegarria bilakatzen hasi da gure hezkuntza eta osasun sistemetarako. Venezuelan egoerak txarrera egin du. Herri hortako gatazkak ezin du ehun urte iraun: aldaketaren bat egon behar da, eta espero dut aldaketa hori ahalik eta arinen heltzea", gaineratu du.
Zure interesekoa izan daiteke
Ekialde Hurbila gerraren hirugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio aldi baterako Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.