Venezuelako Gobernuaren zazpi goi-karguduni zigorrak ezarri dizkie EBk
Venezuelako “errepresioagatik” Nicolas Maduroren Gobernuko zazpi goi-karguduni zigorrak ezarri dizkie gaur Europar Batasunak (EB), besteak beste, Diosdado Cabello Exekutiboko bigarrenari, Maikel Moreno Auzitegi Goreneko presidenteari eta Nestor Reverol Barne eta Justizia ministroari.
Era berean, Gustavo Enrique Gonzalez inteligentzia zerbitzuko buruzagia, Tibisay Lucena Hauteskunde Batzorde Nazionaleko presidentea, Tarek William Saab fiskal nagusia eta Antonio Jose Benavides Guardia Nazional Bolivartarraren komandante ohia zigortu dituzte.
Europar Batasuneko enbaxadoreek zigorrak adostu eta gaur Atzerri ministroek babestu dituzte Bruselan. Aktiboak izoztu eta Europar Batasunean sartzeko debekua jarri diete.
Azaroan arma-blokeoa eta Venezuelako “barne errepresioan” erabili daitekeen materialari betoa ezarri zion EBk.
Venezuelako Gobernuaren eta oposizioaren arteko elkarrizketak hitzordua zuen iragan ostegunean, Santo Domingon, baina azken egunetako tentsioagatik bertan behera geratu zen eta data berriaren bila ari dira orain.
Venezuelak “legez kanpoko” zigor “iraingarriak” errefusatu ditu
Bestalde, Europar Batasunak ezarritako zigorrak arbuiatu ditu Venezuelako Gobernuak. “Legez kanpokotzat” eta “iraingarritzat” jo ditu.
EBren “aldebakarreko eta legez kanpoko neurri murriztaileak sendo” salatu ditu Jorge Arreaza Venezuelako Atzerri ministroak agiri batean.
k agiri batean.Albiste gehiago mundua
Hainbat multinazionalek etekina lortzen dute Israel Gazan eta Zisjordanian aurrera eramaten ari den "genozidio ekonomiarekin"
Francesca Albanese Palestinarako errelatoreak egindako txostenaren arabera, Israelen genozidioarekin "mozkinak" lortzen dituzte Blackrock, Vanguard, IBM, Microsoft, Amazon, Google, Palantir Caterpillar, Hyundai, Volvo, Glencore, Drummond, BP eta Chevronek, besteak beste.
Trumpek Musk deserriratzeko mehatxua egin du, nahiz eta Hegoafrikako handi-mandiak AEBko herritartasuna izan
"Aztertuko dut", esan du AEBko presidenteak, deportazioaren inguruan zuzenean galdetu diotenean, kazetariekin izandako bilera labur batean. Ordu batzuk lehentxeago, dirulaguntzarik gabe "Elonek denda itxi eta Hegoafrikara itzuli beharko luke", adierazi du Trumpek sare sozialetan.
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.