Madurok Venezuelako presidenterako hauteskundeetara aurkeztuko du bere burua
Nicolas Madurok Venezuelako presidente izateko hauteskundeetara aurkeztuko dela iragarri du; hauteskundeak apirilaren 30a baino lehen izango dira, Venezuelako Asanblea Nazional Konstituziogileak horrela erabaki eta gero.
"2019-2025 urteetarako hautagaia izango naiz", esan du. "Ez dizuet kale egingo, ni izango bainaiz Venezuelako langileen hautagaia", gaineratu du.
Oposizioak behin eta berriro eskatu ditu hauteskundeak Venezuelan krisi politikoari eta sozialari aurre egiteko, eta Madurok 2018an izango zirela hitzeman zuen "Konstituzioak horrela agintzen baitu".
Hori horrela, hauteskundeak abenduan egitekoak ziren baina ‘chavismoak ‘ ustekabean aurreratu egin ditu.
"Konstituziogileak presidenterako hauteskundeak 2018ko lehen lauhilekoan egitea onartu du", iragarri zuen aste honetan Diosdado Cabello Venezuelako alderdi sozialista batuaren bigarrenak.
Hortaz, Venezuelako oposizioa erabat bananduta dagoen bitartean, Maduro 'chavismo'aren hautagaia izango da berriro.
2013an izan ziren azken hauteskundeak Venezuelan; orduan, Madurok Caprilesi irabazi zion, baina boto gutxirengatik. Oposizioak 2015ean lortu zuen bere garaipenik handiena, Asanblea Nazionalaren kontrola hartu zuenean. Gerora, ‘chavismoak’ erakunde hori erabilezin bihurtu zuen Konstituziogilearen sorkuntzarekin.
Zure interesekoa izan daiteke
Epstein artxiboen zati bat argitaratu du Trumpen administrazioak
Artxiboen artean, Bill Clinton presidente ohiaren irudiak daude, jacuzzi batean etzanda. Mick Jagger eta Michael Jackson ere agertzen dira argitaratu diren argazki berrietan.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".