Diaz-Canel Kubako presidente berria: 'Castroren legatuarekin leialak izango gara'
Miguel Diaz-Canel Kubako presidente izendatu du gaur uharteko Asanblada Nagusiak, Raul Castro jenerala ordezkatuz. Castrok 12 urte eman ditu boterean. Diaz-Canel Gobernuko presidenteordea izan da orain arte.
Kubako Asanbladaren aurrean emandako lehen hitzaldian, herriaren agindua eredu ekonomikoaren eta sozialaren “eguneraketan emandako aurrerapausoek markatutako une historiko eta erabakigarrian, Kubako Iraultzari jarraipena ematea da”, adierazi du.
“Fidel Castro Iraultzaren buruzagi historikoaren legatuarekin eta Raul Castro prozesu iraultzailearen eredu, ausardi eta irakaspenekin leialak izango gara”, azpimarratu du Miguel Diaz-Canelek.
Herri Boterearen Asanblada Nazionalean botoen % 99,83rekin agintari berria berretsi dute, Alina Balseiro Hauteskunde Batzorde Nazionaleko presidenteak emandako datuen arabera.
Emaitzen berri izan bezain pronto, Kubako diputatuek txalo egin diote presidente berriari. Gainera, Raul Castroren besarkada eta bostekoa jaso ditu Diaz-Canelek.
Diaz-Canelekin batera, Estatuko Kontseiluko gainerako kideak aukeratu dituzte gaur. Horrela, Salvador Valdes Mesa beteranoa uharteko presidenteordea izango da.
Beste bost presidenteordeak Ramiro Valdes historikoa; Roberto Morales Osasun ministroa; Gladys Bejerano kontralora nagusia; Ines Maria Chapman Kubako Baliabide Hidraulikoen Institutuko zuzendaria eta Beatriz Johnson Santiagoko Lurralde-asanbladako presidentea izango dira.
Beste 23 bokalek eta idazkari batek osatzen dute Estatu Kontseilua. Homero Acosta izango da idazkari beste behin ere.
Emaitzen berri eman ondoren, Asanbladako Presidentetzan toki berria hartzeko gonbit egin dio Esteban Lazo Parlamentuko presidenteak Diaz-Caneli. Kubako buruzagi berriak agur militarra eta beste besarkada bat eskaini dizkio Raul Castrori bertatik.
Ondoren, Castrok bere ordezkoaren besoa altxatu du, ikonografia iraultzailearen keinu klasiko batean.
Bestalde, ordezkoaren “erabateko arrakastan” konfiantza agertu du Raul Castrok, bere ibilbide politikoaren hasieratik “bertuteak, eskarmentua eta ardura handia” azaldu dituelako.
Castrok saio historikoa itxi du. Diaz-Canel “onena” izan dela defendatu du agintari ohiak. Goi-karguak betetzeko asmoarekin, Kubako agintariek prestatu dituen buruzagi gazteen artean “aurrera jarraitu duen bakarra” da, erantsi duenez.
“Ez da ustekabeko bat” eta “bere igoera ez da zoriaren edo presaren emaitza”, nabarmendu du Castro jeneralak. Presidente berriaren “sendotasun ideologikoa, sentiberatasun politikoa, konpromisoa eta Iraultzarenganako fideltasuna”, goraipatu ditu Castrok. Diaz-Canelek 58 urte beteko ditu ostiral honetan.
Zure interesekoa izan daiteke
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
AEBk beste petrolio-ontzi bat "lapurtu" diola salatu du Venezuelak
Gobernu chavistak "pirateria" ekintzatzat jo du gertaera, eta tripulazioaren "desagerpen behartua" ere salatu du.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.