Venezuelako krisi ekonomikoari aurre egiteko neurri gehiago iragarri ditu Madurok
Nicolas Maduro Venezuelako presidenteak jakitera eman duenez, herriak bizi duen krisi ekonomikoari aurre egiteko neurri gehiago hartuko ditu. Besteak beste, moneta-birmoldaketa egingo du eta bolivarrari bost zero kenduko dizkio. Era berean, nazioarteko petrolio-erreserbak sendotzeko plan bat jarriko du martxan.
Venezuelako dirua indartzeko asmoz sortutako billete berriak abuztuaren 4an indarrean sartzea aurreikusi zuten, baina orain esandakoaren arabera, moneta-birmoldaketa berria abuztuaren 20an egingo dute. Hala, hasieran hiru zero kenduko zutela esan bazuen ere, azkenean bost zero kenduko dizkiote bolivarrari, inflazio handiari aurre egin ahal izateko. Venezuelako presidenteak azaldu duenez, neurri honekin bolivarra petroaren baliora moldatuko da.
Petroaren balioa, alegia, Maduroren Gobernuak sortutako diru digitala, Venezuelako petrolio-erreserbetan oinarritzen da. Hala, bolivarraren moneta-birmoldaketa eta Venezuelako finantza-estrategia berria estuki lotuta egongo dira petroarekin.
Era berean, Venezuelako presidenteak aurreratu duenez, dibisen balioa kontuan izanda, herrialdean nahi beste inbertsio egitea ahalbidetuko duen lege berria sortzea aztertuko du Venezuelako Asanblea Konstituziogileak.
Hala, “aurreko beste garai batzuetara atxikita dauden mugak ezabatu eta nazioarteko herrialdeek erabiltzen dituzten moneta ezberdinen inbertsioa ahalbidetuko duen proiektu konstituziogile berria” bultzatzea da Maduroren helburua.
Bestalde, “herritarrek galdutako erosteko ahalmena” berreskuratuko duela ziurtatu du. Dena dela, Nazioarteko Diru Funtsak (NDF) aurreko astean egindako aurreikuspenen arabera, aurten % 1.000.000ekoa izango Venezuelako inflazioa.
Madurok azaldu duenez, Venezuelako petrolio-erreserba garrantzitsu bat Banku Zentralaren esku utziko du, inflazioari aurre egin eta herriak bizi duen egoera ekonomikoa hobetzeko asmoz.
Halaber, kanpotik ekarritako lehengaiei eta makineriari egokitutako zergak urtebetez bertan behera utziko dituela iragarri du Venezuelako presidenteak, herrialdearen garapena azkartzeko asmoz.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.