Lurrikarek eta tsunamiak 1.200 hildako baino gehiago utzi dituzte Indonesian
Gutxienez 1.203 pertsona hil dira lurrikaren eta tsunamiaren ondorioz Indonesian, Ekintza Azkarreko Taldeak (ACT) emandako azken balantzearen arabera. Hondamendia iragan ostiralean gertatu zen, Celebes uhartean.
“Hildakoak 1.203 dira jadanik”, jakitera eman du Insan Nurrohman ACTko presidenteordeak, Antara bertako albiste-agentziak aipatuta.
Biktima kopuru handiena Paluko Petobo auzoan izan da; “tsunamiak guztiz suntsitu eta txikitu zuelako”, zehaztu duenez. Guztira, 700 hildako zenbatu dituzte bertan.
Hala ere, hildakoen kopuruak gora egitea espero dutela argi utzi du Insanek; izan ere, oraindik desagertu ugari daude, horien artean 61 atzerritar, eta 540 zauritu larri dira zenbait ospitaletan.
Oraingoz 16.732 pertsona ebakuatu dituzte 123 toki ezberdinetara Palu hirian, baita Donggala, Sigi eta Parigi Moutong barrutietan ere.
Arduradunaren hitzetan, lurrikarak eta tsunamiak Palun zein Donggalan eragindako triskantzaren berri emateko arazoak dituzte, argindar eta komunikazio faltagatik.
Igandean suntsitutako zonaldea bisitatu ondoren, Joko Wiodo Indonesiako presidenteak gaur iragarri duenez, tragediari aurre egiteko nazioarteko laguntza onartuko du herrialdeak.
Bitartean, lurrikarak eta tsunamiak astindutako zonan etsipena nagusi da. Jakarta Post egunkariak jakinarazi duenez, onik atera den jendea laguntza daramaten kamioiak atzeman eta hustu ditu, egunak jan eta edan barik eman ondoren. Poliziak jende-oldeari aurre egiteko kapaz ez dira izan.
Paluko Mutiara Sis Al Jufri aireportua. Argazkia: EFE
Gainera, asteburuan zehar gasolindegiak, bitxi-dendak eta kutxazain automatikoak garbitu dituzte. Horregatik, lapurren aurka tiro egiteko agindua eman du Poliziak.
Bestalde, milaka pertsona Paluko Mutiara Sis Al Jufri aireportuan bildu dira, uhartetik ateratzeko itxaropenarekin. Egunkariaren arabera, larunbatetik bertan dira, bero ikaragarria jasaten eta janaririk edaririk gabe, kartoi edo lastairen gainean kanpaturik. Aireportuko agintari batek azaldu duenez, igande gauean 5.000 pertsona zeuden, eta “kopuruak gora egiten jarraitzen du”.
Hildakoak hobi komun batean lurperatzeko asmoa agertu dute agintariek. Dedi Prasetyo Poliziako bozeramaileak igandean ohartarazi zuenez, “gorpu batzuk desegiten hasi dira”.
Zure interesekoa izan daiteke
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzeko itsasartera laguntza bidaltzeko prest agertu dira
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.