5,9 graduko lurrikara izan da Kuban
Richter eskalan 5,9 graduko maila hartu duen lurrikara batek Kubako ekialdea astindu du bart, eta hildakorik utzi ez dituen arren, hiru probintziatan nabarmen izan dute lurraren astindua. Zehazki, Santiago de Cuban, Holguinen eta Guantanamon sentitu dute dardara.
Mexikoko Sismologia Zerbitzu Nazionalak jakinarazi duenez, lurrikara 10 km-ko sakoneran sortu zen atzo, larunbata.
Besteak beste, Guantanamo probintziako Baracoa, Caimanera eta Maisi udalerrietan, Holguin probintziako Moa, Sagua de Tanamo eta Mayari udalerrietan, eta Santiago de Cubako Songo-La Maya eta Segundo Frente udalerrietan.
Uharteko ekialdea, eta, bereziki, Santiago de Cuba probintzian kokatuta dauden udalerriak dira lurraren astinduak jasateko arrisku gehien dutenak.
2017ko urtarriletik ekainera bitartean, inguru horretan izandako 3.140 lurrikaren berri izan zuen Mexikoko Sismologia Zerbitzu Nazionalak. Dena dela, horietatik soilik hamaika nabaritu zituzten herritarrek.
Larunbat honetan izandako lurrikararekin, urtea hasi zenetik 12 lurrikara zenbatu dituzte jada Kuban. Azken lurrikara horrek Haitin hamaika hildako eta 100 zauritutik gora utzi dituen sismoak izandako indar bera izan du Richter eskalan.
Albiste gehiago mundua
Ekialde Hurbilean bi estatu, Israel eta Palestina, sortzearen alde egin du NBEren Batzar Nagusiak
Bozketa ez da loteslea, baina estatu palestinarra sortzeak duen babesa neurtzeko balio du. AEBri gero eta gehiago kostatzen zaio bere kontrako jarrera babestuko duten herrialdeak aurkitzea.
Milaka palestinar ihesi ari dira Gazako hiritik: "Goazen tokiak ez dira seguruak"
Nazio Batuen Erakundeak 73.500 desplazamendu baino gehiago zenbatu ditu Gazako Zerrendaren iparraldetik hegoaldera, Al Rashid kostaldeko errepidean barrena, abuztuaren 14tik, eta 25.000 inguru irailaren 7tik.
NATOk ariketa militarrak iragarri ditu ekialdean, aire-espazioa urratu ondoren
Ekintza militar berri hauek "datozen egunetan hasiko dira" eta Danimarka, Frantzia, Erresuma Batua, Alemania eta "beste herrialde batzuk" inplikatuko dituzte.
22 urteko gizon bat atxilotu dute Charlie Kirken ustezko hiltzaile gisa
Atxilotua Tyler Robinson 22 urteko Utahko bizilaguna da. Antza denez, haren aitak eta ingurukoek eskatu zioten bere burua entregatzeko. Errudun joz gero, heriotza zigorra jasotzea espero du Trumpek.
Errusiak eta Bielorrusiak ariketa militarrak hasi dituzte, Poloniarekin eta NATOrekin tentsioak gora egin ostean
Kremlinak ukatu egin du Zapad-2025 maniobra militarrak hirugarren herrialdeei zuzenduta egotea. Dena dela, Ukrainako gerra hasi zenetik lehen aldiz egin dituzte horrelako ariketa militarrak.
FBIk Charlie Kirki tiro egin zion susmagarriaren irudiak erakutsi ditu, eta haren bila jarraitzen du
Herritarren lankidetzaren garrantzia nabarmentzeaz gain, 100.000 dolarreko saria eskaini dute susmagarria harrapatzeko balio duen informazioaren truke.
Bolsonaro zigortu dute Lularen aurkako estatu-kolpe saiakeragatik
Erakunde kriminal armatu bateko kide izateagatik eta Lula da Silvaren aurka hauteskundeak galdu ostean estatu-kolpe bat bideratzeagatik zigortu dute Brasilgo presidente ohia.
Israelen aurkako "mehatxu genozida" egitea leporatu dio Netanyahuk Sanchezi
"Antza, Espainiako Inkisizioa, juduak Espainiatik kanporatzea eta Holokaustoan juduak sistematikoki hiltzea ez dira nahikoa Sanchezentzat", esan du lehen ministro israeldarrak.
Charlie Kirk aktibista hiltzeko erabili duten arma aurkitu dute
Kirk AEBko presidente Donald Trumpen kolaboratzaile estua zen. Utaheko unibertsitate batean, jendez beteta zegoen ekitaldi batean, hil dute tiroz. Poliziak hiltzailearen irudiak eta beste hainbat arrasto aurkitu ditu.
Europako Parlamentuak Israelekin akordioak moztea onartu du, baina ez du Gazako egoera genozidiotzat hartu
Estrasburgoko egoitzan bildutako osoko bilkurak Gazako “hondamendi humanitarioa” eta Hamas taldearen “krimen basatiak” gaitzetsi ditu. Horrez gainera, indarkeria erabiltzen duten kolonoei eta Hamasi zigorrak jartzearen alde egin du eta “berehalako su-etena” eskatu du.