De Niro aktoreak eta Biden presidenteorde ohiak ere bonba-paketeak jaso dituzte
Robert de Niro aktoreak eta Joe Biden AEBko presidenteorde ohiak bonba-paketeak jaso dituztela jakinarazi du gaur Polizia estatubatarrak. Atzo zabaldutakoaren arabera, Barack Obama AEBko presidente izandakoari eta Hillary Clinton Estatu idazkari ohiari ere bidaldi dizkiete lehergailuak.
NBC hedabideak zabaldu duenez, Bideni igorritako paketea New Castleko postetxe batean atzeman dute, Delaware estatuan. Antza, helbidea oker idatzita zuen pakete horrek, eta berriro bueltan bidali zuten postetxeko lankideek. Gerora ohartu ziren, paketearen ezaugarriak kontuan hartuta, lehergailua izan zezakeela barruan, eta aurkitzea lortu zuten.
Bestalde, CNN katearen arabera, Clintonek eta Obamak jasotako paketeen oso antzekoak iritsi dira Robert De Nirok New Yorken duen bulegoetako batera. Langile batek eman dio abisua Poliziari, azken orduotako albisteen berri izan duenean.
Segurtasun indarren arabera, oso antzekoak dira orain arte atzemandako pakete guztiak: tutuak eta kableak dituzte barruan denek, eta egitura oso oinarrizkoa izan arren, leherketa handia eragin dezakete. Bryan Paarmann FBIko agenteak eman ditu gaiaren inguruko azalpenak CNN hedabidean. Horren arabera, ez dute baztertzen eraso terrorista bat izatea.
Ikerketa iturriek zabaldu dutenez, gutun-azal guztien atzealdean Debbie Wasserman Schultz kongresista demokrataren izena ageri da.
Eric Holder fiskal ohiak, Maxime Waters kongresista demokratak eta John Brennan Inteligentzia Agentzia Zentraleko zuzendari ohiak ere jaso dituzte bonba-paketeak. Azken horri CNN hedabidera igorri zioten lehergailua, bertako kolaboratzailea baita.
FBI Ikerketa Bulego Federalak uste du kasu gehiago egon daitezkeela. Orain arteko ia guztiak zerbitzu sekretuek atzeman dituzte, hartzailearen eskuetara heldu aurretik.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.