12 pertsona hil dira Italiako haize eta euri denboralearen ondorioz
12 pertsona hil dira Italian, herrialdea astintzen ari den haize eta euri denboralea dela eta. Hainbat eskualde alerta egoeran daude, bai iparraldean baita hegoaldean ere, haize bolada bortitzak eta euri-jasa bortitzak iragarrita baitaude.
Astelehenean zazpi pertsona hil ziren herrialde italiarrean, gehien bat zuhaitzak gainean erorita. Asteartean, aldiz, beste bost pertsona hil dira. Azken orduetan itota hil den emakume baten gorpua topatu dute Dimaro herrian (Trentino eskualdea, Italia iparraldea); itsas-gizon batena, Catanzaron (Italia hegoaldea) eta beste gizon batena, San Giovanni in Marignanon (Rimini, Italia erdialdea).
Haize gogorrak botatako zuhaitzak gainera erorita hil dira gehienak (sei pertsona). Castrocielo herrian (Frosionone probintzia, Italia iparraldea), bi pertsona hil dira zihoazen auto gainera arbola bat jausi ostean. Handik gertu dagoen Terracina herrian, pertsona bat hil eta beste bi larri zauritu dira tankerako egoeran.
Albisolan (Savona, Italia iparraldean) emakume bat zendu da haizeak mugitutako objektu batek buruan jota. Caserta probintzian (Napolesetik gertu, herrialdearen hegoaldea) eta Bellunon (Veneto, ipar-ekialdea) hildako bana atzeman dituzte.
Gaur bake apur bat izan ostean, Ligurian alarma berpiztuko da gauerditik aurrera, denboraleak berriz gogor joko duela espero baita. Izan ere, Goivanni Toti eskualdeko gobernatzaileak larrialdi egoera ezartzea eskatu dio gaur babes zibileko buruari.
Venezian, Genovan, Napolin eta Erroman eskolak itxita daude. Italiako hiriburuan, adibidez, suhiltzaileek 100 irteera baino gehiago egin behar izan zituzten atzo.
Venezian, 2008az geroztik izandako itsasgora handiena eduki dute (156 zentimetro) eta "agua alta" delakoa eragin. Kale, kanal eta plaza asko, San Marcos bera barne, urpean geratu dira. Vaporeto zerbitzua etenda dago. Iragarpenen arabera, gaurtik aurrera behera egingo du urak, 130 zentimetroraino.
Urpetutako kale bat, Venezian. Argazkia: EFE
Zure interesekoa izan daiteke
Liam Conejo haurra eta bere aita aske utzi dituzte eta Minneapolisen dira dagoeneko
Dilleyko zentrotik (San Antonioko hegoaldean, Texas) askatu dituzte aita-seme ekuadortarrak, Fred Biery epaile federalak larunbatean emandako agindua betez.
Drone errusiar batek 15 meatzari hil ditu Ukraina erdialdean
Energia sistemak helburu dituzten erasoak denbora baterako etenda egon beharko lirateke, AEBk, Errusiak eta Ukrainak adostutakoa betez gero. Muturreko hotza tarteko, ituna egin zuten hiru herrialde horiek, eta Kremlinaren arabera, gutxienez gaur arte iraun beharko luke meniak.
Rafahko pasabidea bihar zabalduko dute, Israelen arabera
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira bertatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.