Demokratek Ordezkarien Ganberan gehiengoa lortu dute; errepublikanoek, Senatuan
Ameriketako Estatu Batuetan, agintaldi erdiko hauteskundeak edo "midterm" delakoak ospatu dituzte bart. 36 gobernadore ez ezik, Ordezkarien Ganberako kide guztiak eta senatarien herenak aukeratu dituzte. Kontaketa amaitu ez bada ere, Alderdi Errepublikanoak Ordezkarien Ganberaren kontrola galdu du, baina Senatuan zuen gehiengoa handitu du. Beraz, botere politikoa guztiz zatituta gelditu da. Emaitza hauekin, Alderdi Demokratak Donald Trump presidente errepublikanoaren egitasmoak geldiarazteko aukera izango du.
Demokratek Trumpen kontrako kargugabetze prozesua (impeachment) hasten ez badute ere, beheko ganberako kontrol batzordeen kontrola izan, legeak bultzatu eta ikerketa prozesuak abiatzeko aukera izango dute. Nolabait, Donald Trumpen egitasmoei galga jarri ahal izango diote.
Boto kontaketa oraindik amaitu ez bada ere, Alderdi Demokratak Ordezkarien Ganberan gehiengoa izateko beharrezkoak diren 218 ordezkariak lortu ditu. Kontaketaren arabera, errepublikanoek 193 dituzte.
Lehendabiziko emaitzak jakin orduko, Donald Trump pozik agertu da bere Twitter kontuan argitaratutako txioan: "Arrakasta itzela. Eskerrik asko guztioi!".
Nancy Pelosi Alderdi Demokratak Ordezkarien Ganberan duen buruzagiak ziurtatu duenez, aro berri bat zabalduko da bihartik aurrera. "Nahikoa zatiketa izan dugu. Herriak bakea eta emaitzak nahi ditu", berretsi du. Donald Trumpek Nancy Pelosiri deitu dio, Ordezkarien Ganberan lortutako garaipenarengatik zoriontzeko.
Kongresua inoiz baino pluralagoa izango da: emakume gehiago eta arraza gehiago.
Alexandra Ocasio-Cortez, 29 urtekoa, izango da AEBren historiako kongresuko kiderik gazteena. Rashida Tlaib eta Ilhan Omar emakume musulmanek ere beren aulkia ziurtatu dute Ordezkarien Ganberan. Deb Haaland eta Sharice Davids emakume indigenek ere historia egin dute, izan ere, hori lortzen duten lehenak izan dira.
Ordezkarien Ganberako kide guztiak eta senatarien herenak aukeratzeaz gain, 36 gobernadore ere hautatu dituzte. Horien artean dago, hain zuzen ere, Jared Polis Coloradoko gobernadorea, lehen gobernadore homosexuala.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.