Erronka handiekin eta buruzagi askoren faltarekin hasi da Klimari buruzko Goi-bilera
Gaur hasi da Klimari buruzko Goi-bilera Katowicen (Polonia), eta datozen bi asteetan hainbat bilera egingo dituzte, Lurraren berotzea ekiditeko isurketa kutsakorrak nabarmen murriztea helburu duen Parisko Ituna ezartzeko asmoz. Hala ere, negoziazioak zailak izango direla aurreikusten dute.
Parisko Ituna 2015ean egin zuten. Orduz geroztik antolatu den goi-bilerarik garrantzitsuena omen da gaur Katowicen hasi dena. Alabaina, munduko hainbat buruzagi ez dira bertan.
Pedro Sanchezek iragarri du Espainiako Gobernuak gas kutsakorrak gutxitzeko anbizio handiko helburuak ezarriko dituela. Horrela bada, 2030erako gas isurketak % 37an murriztea proposatuko du, eta 2050erako beheraka hori % 90koa izatean nahi du.
Goi-bileraren hasierako ekitaldian hartu du parte Sanchezek eta han eman du bere asmoaren berri. Klima-aldaketari aurre egiteko premiazko neurriak behar direla berretsi du.
Inaugurazioan izan diren agintari guztiek azpimarratu du aldaketa klimatikoari aurre egitearen garrantzia. Antonio Gutierres Nazio Batuen Erakundeko idazkari nagusiak adierazi du gobernuek eta inbertitzaileek "ekonomia berdearen aldeko apustua" egin behar dutela, "ikaztutako ekonomia grisa" baztertuta.
"Klima-aldaketari aurre egiteko baliabide sozialak, ingurumenekoak eta ekonomikoak baditugu, baina ez gara ari egin dezakegun guztia egiten", ohartarazi du.
Horrez gain, ekonomia berdeak negozio aukera berriak, enplegua eta ongizatea sortzea ahalbidetuko duela ziurtatu du.
Andrzej Duda Poloniako presidentea, berriz, ez da ekonomia berdearen alde agertu, eta klima-aldaketaren kontrako borroka babestu badu ere, diskurtso anbiguoa erabili du, herrialde horrek energia sortzeko ikatza erabiltzen jarraitzen baitu.
Nolanahi ere, datozen urteetan ikatzaren erabilera murrizten joateko konpromisoa hartu du: % 60ra jaistea 2030erako eta % 30era 2040n.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.