Venezuelako Gorenak Maduro deitu du, berriz presidente izendatzeko
Berriro presidente izendatzeko, Nicolas Maduro estatuburua datorren ostegunerako deitu du Venezuelako Auzitegi Gorenak, azken hauteskundeetan garaipena erdietsi ondoren.
Nahiz eta Konstituzioak horrela aurreikusi, buruzagi chavistak karguaren zina Asanblada Nazionalaren (Parlamentua) aurrean ez duela egingo azaldu du gaur Maikel Moreno Goreneko presidenteak, erakunde hori oposizioak kontrolatzen duelako.
“2019-2025 eperako Venezuelako Errepublikaren presidente konstituzional bezala zina egiteko” urtarrilaren 10erako deitu dute magistratuek Maduro, Morenok Telesur telebistan iragarri duenez.
2016ko hasieran oposizioak gehiengoa lortu zuen Asanblada Nazionalean, aste batzuk beranduago Ganbera “auzi-ihesean” zegoela ebatzi zuen Gorenak, eta orduz geroztik Madurok ez du diputatuen aurrean azalpenik eman behar. Bien bitartean, gainerako botere publikoek ez dituzte legegilearen erabakiak kontuan hartzen.
“Nicolas Maduro herritarrak, jarduneko eta presidente hautetsiak, zina Parlamentu nazionalaren aurrean egitea eragozten du” egoerak, adierazi du gaur Morenok.
Iragan maiatzean, Madurok bozen % 70 eskuratu zituen hauteskundeetan. Oposizioak parte hartzeari uko egin zion, bidezko lehia garden bat izateko baldintzarik ez zegoela iritzita. Argudioen artean, oposizioko buruzagi nagusien inhabilitazio politikoa aipatu zuten.
Ostegunetik aurrera Madurori legitimotasuna aitortuko ez diola esan du Parlamentuak. Salatu duenez, herriko lehen magistratura “usurpatuko” du buruzagi chavistak.
Albiste gehiago mundua
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta sarraski berria eragin dute. Ismail Abu Hatab heriotzarekin 228 kazetari hil ditu jada Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.