Limako Taldeak, AEBk eta EBk ez dute inor bidaliko Maduroren kargu hartzera
Nicolas Madurok bigarren agintaldiari hasiera emango dio gaur, 2018ko maiatzaren 20an herrialdean ospatutako hauteskunde presidentzialetan garaipena lortu ostean. Kargu hartze ekitaldia Auzitegi Gorenean izango da eta ez Batzar Nazionalean edo Parlamentuan (Normalean Batzar Nazionalean egiten dute, baina oposizioaren eskuetan dago orain eta uko egin dio ekitaldi hori hartzeari). Nazioarteko hainbat herrialdek (Limako Taldea, Ameriketako Estatu Batuak (AEB) eta Europar Batasuna, kasu) ez zien zilegitasunik eman maiatzeko hauteskundeei eta, beraz, ez dute ordezkaritzarik bidaliko.
Beraz, ez dira ekitaldian izango ez Europar Batasuna, ez Batasuneko 28 herrialdeak, ez Ameriketako Estatu Batuak eta ezta Limako Taldea osatzen duten 14 herrialdeetatik 13 ere (Argentina, Brasil, Kanada, Txile, Kolonbia, Costa Rica, Guatemala, Guyana, Honduras, Panama, Paraguai, Peru eta Santa Luzia). Mexikok Caracaseko Enbaxadaren negozio arduraduna bidaliko du.
"Ez da Europar Batasuneko ordezkaritzarik izango Maduroren kargu hartzean", EBko iturri diplomatikoek Europa Press albiste agentziari baieztatu diotenez.
Europar Batasunak behin baino gehiagotan salatu duenez, maiatzeko hauteskundeak "ez ziren askeak eta sinesgarriak izan". Horren aurrean, "libreak eta bidezkoak izango diren hauteskundeak" aldarrikatu izan ditu.
Maiatzaren 20an egindako hauteskundeetan dago gakoa. Emaitza ofizialen arabera, Madurok bozen % 67 lortu zituen (sei milioi boto baino gehiago), PSUVeko gobernari baten daturik kaskarrena, Chavez duela bi hamarkada boterera heldu zenetik, Venezuelako hautesle-erroldaren hazkundea kontuan hartuta.
Henri Falcon (garaiaren arabera, batzuetan chavista eta beste batzuetan oposizioko kidea) eta Javier Bertucci artzain ebanjelikoa aurkari izan zituen Madurok. Bozen % 20 eta 10 erdietsi zituzten arerioek, hurrenez hurren.
Batasun Demokratikoaren Mahaiko (MUD) koalizioak ez zuen hautagairik aurkeztu, "alderdi eta buruzagi nagusiak gaitasungabetu edo espetxeratu dituztelako".
Nazioartearen zati batek (Lima Taldea, AEB eta Europar Batasuna) ez zituen hauteskundeak onartu. Venezuelako Gobernuak, ostera, krisi politikoa konpontzeko abiapuntua direla uste du.
Albiste gehiago mundua
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.
Kayed Hammad itzultzailea Gazatik atera da bere emazte eta hiru seme-alabekin
Kayed Hamadek oso harreman estua du Mikel Ayestaran lankidearekin. Harremanetan egon dira une oro, baita une txarrenetan ere, eta, zorionez, lortu du senideekin Gazatik ateratzea. Ammanen izan gara berarekin, baina Malagara joatekoa da, bertan duen anaia batengana.