Madurok 'bere zilegitasuna' aldarrikatu du bigarren agintaldiaren hasieran
Nicolas Maduro Venezuelako presidentea karguaz jabetu da, bere bigarren agintaldiari hasiera emanez. Zeremonia Auzitegi Gorenean egin dute ostegun honetan. Ekitaldian nazioarteko buruzagi gutxi izan dira. Ondorioz, legealdi berrian nazioartearen babes eskasa izango duela ematen du.
Aurreneko hitzak bere zilegitasuna aldarrikatzeko aprobetxatu ditu Madurok. “Ekitaldia hau bake ekitaldia da, Konstituzioaren hitza eta arima betearazi eta ziurtatzen duen ekitaldi oro batzen gaituelako (…) gure aberriaren bakerako”, azaldu du agintariak.
Zentzu horretan, “Venezuela demokrazia bat da, mota berri bat (…) herriaren demokrazia bat, ez eliteena”, defendatu du. “Eta ni benetako presidente demokrata bat naiz”, azpimarratu du Miraflores jauregiko maizterrak.
Venezuela une zailak pasatzen ari dela onartu du Madurok: “arazorik ez duen herrialdeak eskua altxa dezala”. Hala ere, herria “AEBetako eta estatu sateliteetako gerra ekonomiko eta mediatikoaren biktima nagusia da”, erantsi du.
Konkretuki, “Washingtonen esanetara dagoen gobernu satelite multzoan” inposatu den “muturreko ikuspegi intolerante ideologikoa” deitoratu du Venezuelako buruzagiak. Maduroren hitzetan, “horrek eskualdea zatitu du”. “Eskuina edonola inposatu nahi da”, ohartarazi duenez.
Testuinguru horretan, gobernu horietako edonorekin biltzeko prest dagoela ziurtatu du estatuburuak, baita Venezuelan goi-bilera bat hartzeko ere. Ez bada gertatu, mugimendu chavistari “beldur diotelako” izan da, gaineratu duenez.
Are gehiago, Amerika kontinentearen hego hemisferioan “desadostasunak gainditzeko, elkarrizketa eta batasuna bideratzeko, Latinoamerikako herrialde talde batek ekimena hartzea” proposatu du Madurok.
“Nazioarteko 99 herrialde eta erakunde baino gehiagoren ordezkariak” ekitaldian izan direla azpimarratu du Madurok. “Zuen presentzia ausarta eskertzen dizuegu, horrek beste mundu bat posible dela berretsi duelako”, adierazi du.
Erasoaldi diplomatikoa
Bestalde, urtarrilaren 10etik aurrera Maduroren eta Venezuelako Gobernuaren aurka erasoaldi diplomatiko bat abian jarriko duela iragarri du Lima Taldeak, hauteskunde “sinesgarriak” deitzera behartzeko. Venezuelako buruzagiei zigor gehiago ezarri dizkie Ameriketako Estatu Batuek, eta EB adi-adi dago.
Jarrera aldatzeko 48 orduko ultimatuma eman dio Madurok Lima Taldeari. “Gobernu baten defentsan eta diplomazian, neurri gordinenak eta zorrotzenak” hartzeko mehatxu egin du.
Albiste gehiago mundua
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.
Kayed Hammad itzultzailea Gazatik atera da bere emazte eta hiru seme-alabekin
Kayed Hamadek oso harreman estua du Mikel Ayestaran lankidearekin. Harremanetan egon dira une oro, baita une txarrenetan ere, eta, zorionez, lortu du senideekin Gazatik ateratzea. Ammanen izan gara berarekin, baina Malagara joatekoa da, bertan duen anaia batengana.