Eraso taliban batek 100 hildako baino gehiago utzi ditu Afganistanen
Afganistango Segurtasun Zuzendaritza Nazionalaren indar berezietako base bati eraso egin diote talibanek astelehen honetan. Erasoak 100 hildako baino gehiago utzi ditu Maidan Uardak probintzian (erdialdea), iturri ofizialen arabera.
“Entrenamendu zentro batean izandako leherketak 126 hildako utzi ditu”, esan du Defentsa Ministerioko goi-kargudun batek.
Era berean, hildakoak 100 baino gehiago direla azaldu dute probintziako iturriek. Gobernuak ez du datua ofizialki baieztatu, eta aldez aurretik biktimak 12 zirela adierazi du.
Rahman Mangal probintziako gobernadoreak azaldu du eztanda 07:00etan (bertako ordutegia) gertatu dela, Maidar Sharheko basean, Tolo News telebistak jakitera eman duenez.
Talibanek erasoa bere gain hartu dute. Miliziano talde batek baseari eraso egin dio, 150 bat pertsona barruan zeudenean. Mangalek zehaztu duenez, hiru erasotzaile hil dira.
Bake negoziazioak
Bertako Gobernuarekin zuzenean hitz egiteko eskatu zien Zalmay Jalilzad AEBek Afganistanen duten ordezkari bereziak talibanei iragan astean. “Hitz egin nahi baldin badute, hitz egitea posible da, eta borroka egin nahi badute, borroka egitea posible da”, azpimarratu zuen Jalilzadek.
Egun bat lehenago, bake elkarrizketak “atzeratzeko” mehatxua egin zuten matxinoek, Washingtonek nazioarteko tropak Afganistanetik ateratzea “modu zintzoan” aztertzen ez baldin badu.
Bi aldeak gutxienez hiru aldiz elkartu dira azken hilabeteetan, baina borrokaldiek ez dute etenik izan. Gainera, Afganistango Gobernuarekin biltzea baztertu dute talibanek.
Zure interesekoa izan daiteke
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzeko itsasartera laguntza bidaltzeko prest agertu dira
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.