Madurok ituna adostu du Gurutze Gorriarekin Venezuelan laguntza humanitarioa sartzeko
Nicolas Maduro Venezuelako presidenteak iragarri duenez, akordioa sinatuko du Gurutze Gorriko eta Ilargi Gorriko Elkarteen Nazioarteko Federazioarekin Venezuelan laguntza humanitario gehiago hartzen laguntzeko.
Barne txosten baten arabera, desnutrizioak eta gaixotasunek gora egin dute, eta Venezuelako populazioaren laurden batek (zazpi milioi bat herritar inguru) laguntza behar du, Nazio Batuen Erakundearen esanetan.
“Osasunaren eta sendagaien alorrean, Gurutze Gorriak Venezuelan laguntza humanitarioa azkartzea eta handitzea ahalbidetuko du akordioak,”, esan du Madurok estatuko telebista kanalaren bidez zabaldu duten emanaldian.
Venezuelako buruzagiak ez du ez akordioaren ez herrialdean sartuko diren produktuen inguruko xehetasunik eman. Oposizioko liderra, Juan Guaido, laguntza Kolonbiako eta Brasilgo mugatik sartzen saiatu zen otsailean, baina arrakastarik gabe.
Gurutze Gorriaren Federazioak bideratutako 24 tonako lehen kargamentua apirilean iritsi zen, Panamatik. Guaidoren esanetan, laguntza onartuta Gobernuak orain arte ukatu duen larrialdi humanitarioa aitortu du.
Caracasek behin baino gehiagotan salatu du Ameriketako Estatu Batuek ezarritako zigorrak direla-eta ezin dituela sendagaiak eta elikagaiak eskuratu kanpoan.
Albiste gehiago mundua
Gutxienez 18 hildako eta dozenaka zauritu Kolonbian izandako bi atentatutan
Gustavo Petro Kolonbiako presidenteak FARCeko talde disidenteetako bati —Erdialdeko Estatu Nagusia (EMC)— leporatu dio atentatuen erantzukizuna. Halaber, iragarri du talde hori erakunde "terroristen" zerrendan sartuko duela.
Netanyahuk "berehalako" negoziazioak agindu ditu bahituak askatzeko, asmo militarrei uko egin gabe
Negoziazioak agindu dituen egun berean berretsi du Israelgo Armadak "Gazako hiria hartu eta Hamas garaitzeko" aurkeztu dion plana.
Ehunka palestinarrek desplazamenduaren aurkako manifestazioa egin dute Gaza hirian: "Gaza gurea da"
Bart gauean, Benjamin Netanyahu Israelgo lehen ministroak Gaza hiria hartzeko epeak laburtzeko agindu zion Armadari, inbasioaren hasiera aurreratuz. Kalkuluen arabera, milioi bat pertsona inguru bizi dira Gaza hirian, eta gainerako herritarren zati handi bat (2,1 milioi pertsona guztira) Gazako Zerrendaren hegoaldean.
Ukrainiar bat atxilotu eta behin-behinean espetxera bidali dute Italian, Nord Stream gasbideen sabotajean ustez parte hartzeagatik
Karabineroek atxilotu dute 49 urteko gizona Riminin (Italiako ekialdea), Alemaniako Justizia Auzitegi Federalak abuztuaren 18an eman zuen euroagindua betez. Hain zuzen ere, Alemaniara estraditatuko dute aurki.
Zelenskik esan du Putinekin bildu daitekeela Suitzan, Austrian edo Turkian
Ukrainako presidenteak baztertu egin du bilera Moskun egitea, eta Hungarian antolatzea, planteatu bezala, "zaila" izango litzatekeela uste du eta.
Israelek hastear du Gaza Hiria okupatzeko operazioa
Lehen pausoa eman du jada, Israelgo Armadako iturriek baieztatu baitute tropak zabaldu dituztela hiri inguruan. Gainera, Netanyahuren gobernuak 60.000 erreserbista gehiago aktibatu nahi ditu irailetik aurrera. Antonio Guterresek, bien bitartean, ekintza militar horrek Gazan sor lezakeen heriotza eta suntsipenaz ohartarazi du.
Netanyahuk Gazako hiriaren inbasio militarra aurreratzeko agindu du, baina datarik eman gabe
Israelgo Armadako bozeramailearen esanetan, hiriko sarrerak kontrolatzen dituzte eta inguruko auzoetan indarrak pilatu dituzte.
Errusiaren interesak kontuan hartzen ez dituzten Ukrainarentzako segurtasun berme kolektiboak errefusatu ditu Moskuk
Sergei Lavrov Errusiako diplomaziaren buruak Kieverako segurtasun bermeei buruz egindako galderari erantzunez, Moskuk "bidezko interesak irmo eta zorrotz" defendatuko dituela ziurtatu du.
Zisjordanian asentamendu gehiago ezartzeko plana onartu du Israelek, Estatu palestinarraren “iruzurra ezabatzeko”
Palestinako Agintaritzak Nazioarteko Zuzenbidearen beste urraketa bat salatu du, eta zigorrak eta nazioarteko esku-hartzea eskatu ditu.
EITBk Evo Morales elkarrizketatu du
Boliviako presidente ohia hiri hurbilenetik bost ordura bizi da, hiru segurtasun perimetrok babestuta, bere aurkako atxilotze agindua saihesteko. Eneko Zuberogoitia EITBren korrespontsalak haren gotorlekura sartu eta Evo Morales elkarrizketatu ahal izan du.