Pertsona bat hil eta 60 baino gehiago zauritu dira Bolivian, hainbat liskarretan
Gutxienez pertsona bat hil eta 60 baino gehiago zauritu dira La Pazen eta Cochabamba hirian, Evo Morales Boliviako presidentearen jarraitzaileen eta aurkarien artean izandako liskarretan.
Nekazari taldeak Cochabambako erdigunetik abiatu dira Moralesen garaipena defendatzeko, eta oposizioko manifestariek kale nagusiak blokeatzeko jarritako hesiak kendu dituzte. Gobernuarekin kritiko direnek lanuzte mugagabea deitu dute.
Nekazarien martxak oposizioaren aldeko talde batekin egin du topo, Evo Moralesen MAS (Movimiento Al Socialismo) alderdiaren egoitzaren parean.
Han, kolpeka eta harrika hasi dituzte liskarrak, eta Poliziak negar-gasa erabiliz esku hartu duen arte iraun dute. Liskarretan, gutxienez pertsona bat hil eta 50etik gora zauritu dira, El Deber egunkariak jakitera eman duenez.
Urriaren 20tik herrialdeak bizi duen krisi politikoaren ondorioz kaleetan hil den hirugarren herritarra izan da.
Hauteskunde krisia
Boliviako protestak urriaren 20an bertan hasi ziren, presidentea hautatzeko hauteskunde egunean, gauean, emaitza ofizialen transmisioa bat-batean eten, eta Evo Moralesen eta Carlos Mesa oposizioko hautagaiaren arteko bigarren itzulia iragartzen zuten emaitzak bertan behera geratu zirenean.
Ia 24 ordu geroago, Moralesi lehen itzulian garaipena eman ziotenean, Mesak "iruzur erraldoia" salatu zuen. Biek deitu zituzten jarraitzaileak mobilizatzera, eta horrek istiluak eragin ditu.
Testuinguru horretan, Evo Moralesek onartu egin du Amerikako Estatuen Erakundeak (AEE), Espainiak, Mexikok edo Peruk lagunduta, hauteskundeen emaitzak ikuskatu eta berresten dituen emaitzak onartzea. Mesak, baina, ez du onartu, Gobernuak eta AEEk oposizioa kontuan izan gabe lortutako aldebakarreko akordioaren emaitza delako, horren esanetan.
Albiste gehiago mundua
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.
Gazako genozidioa negozio biribila da herrialde askotako enpresentzat, NBEren txosten batek erakusten duenez
Francesca Albanesek armen, teknilogiaren, azpiegituren eta turismoaren industroako 50 bat konpainia aztertu ditu. Israelen okupazio-politikei etekina ateratzen dieten enpresen zerrendan CAF euskal enpresa dago.
Sanchezek uste du Sevillako Biltzarrak"elkarlanaren garra bizirik" mantendu duela "berekoikeriaren" aurrean
Espainiako Gobernuko presidenteak amaiera eman dio azken astean Sevillan egin den NBEren Garapenerako Finantziazioari buruzko IV. Biltzarrari. Sanchezek mezua bidali dio AEBri, garapen bidean dauden herrialdeei bere ekarpena murrizteko asmoagatik. "Nazioarteak ez du amore emango hondamendiaren aurrean, ezta desengainuaren aurrean etsi ere", azpimarratu du.
Trumpek "gerra etetea" proposatu dio Putini, eta honek erantzun du Errusiak Ukrainan dituen helburuei "uko egingo ez" diela
"Trumpek berriro planteatu du Ukrainako gerra laster etetea", jakinarazi du Yuri Ushakov Kremlineko nazioarteko politikako aholkulariak, bi buruzagiek gaur izandako telefono elkarrizketari buruz.
Askatasunaren Flotillak Netanyahu salatu du Auzitegi Nazionalean, itsasontzi humanitarioa abordatzeagatik
Sergio Toribio aktibistak jarri du kereila, eta azaldu duenez, nazioarteko uretan bahitu eta Tel Avivera eraman zituzten, legearen kontra.
Sutea izan da Greziako Kreta uhartean, eta 5.000 pertsona baino gehiago etxetik irtenarazi dituzte
Nektarios Papadakis Ierapetra udalerriko alkateordearen arabera, sugarrek inguruko hainbat etxe kiskali dituzte. "Kalte handiak izan ditugu", azpimarratu du Papadakisek. Gaineratu du suak basoak eta olibondo-sailak ere erre dituela. Orain arte, kostaldeko bost herri hustu behar izan dituzte.
Erasoen amaiera, soldadu israeldarrak Gazatik ateratzea eta laguntza banaketa bermatzea nahi du Hamasek, su-eten akordioa babesteko
Palestinako erresistentzia erakundeak adierazi duenez, "erantzukizun handiarekin" ari da lanean Israelgo Armada Zerrendaren aurka egiten ari den "erasoa bukatzea" lortzeko.
Tibeteko budismoa Dalai Lamaren ondorengoa izendatzeko prestatzen ari da, Txinaren oposizioarekin
Dalai-lamaren oinordea aurkitzea erritual konplexu bat da. Liderraren heriotzaren ondoren, lama garaiek haren berreragiztatzea bilatzen dute bere heriotzaren datatik gertu jaiotako haurren artean. Txinako agintariek "urrezko hautestontziaren zozketaren prozedura" errespetatzea eskatzen dute.
Israelek Gazan 60 eguneko su-etena ezartzea onartu duela iragarri du Trumpek
Oraingoz Israelgo gobernuburuak ez du informazioa baieztatu. Horrez gain, Trumpek Hamasi gauza bera egin dezala eskatu dio, “Ekialde Hurbilaren onerako”.