Urrezko Egunsentia alderdi neonazia erakunde kriminala dela ebatzi dute
Urrezko Egunsentia alderdi neonazia erakunde kriminala dela ebatzi du Atenaseko Apelazio Auzitegiak, bost urtez luzatu den prozesu judizialari amaiera emanda. Greziako hiriburuan 20.000 lagun inguru kalera atera dira eta pozik eta txalo artean hartu dute epaia.
Ikerketa 2013ko irailean hasi zen, alderdi horren bulego bateko kafetegian lan egiten zuen pertsona batek Pavlos Fyssas 34 urteko rapero antifaxista labankadaz hil eta gero.
Kasu honetan Urrezko Egunsentia alderdiko 60 kide baino gehiago egon dira auzipetuta, tartean Nikolaos Michaloliakos buruzagia. Hala ere, asteazken honetako saioan horietako hamaika soilik egon dira epaitegian.
Epaiaren arabera, Michaloliakosek eta alderdiko beste zazpi parlamentari ohik zuzentzen zuten talde kriminala. Hamar urte arteko kartzela-zigorra ezar diezaiekete.
Fyssases hilketari dagokionez, Giorgos Roupakias auzipetuak egin zuela frogatutzat eman dute. Guztira, bost delitu leporatu dizkiote.
Horrez gain, arrantzale egiptoar batzuen aurka eta sindikatu baten kontra egindako erasoengatik ere epai-zigortzaileak ezarri dituzte.
(Biktimaren ama, epaiketan. Argazkia: EFE)
Mobilizazio jendetsua Atenasen
Bitartean, manifestazio handia egin dute Atenasko kaleetan barrena, eta bertan izan dira Alexis Tsipras lehen ministro ohia eta Pavlos Fyssasen ama. Guztiek, baina bereziki biktimaren amak, pozik eta hunkituta hartu dute epaia.
Mobilizazioa ikusgarria izan da eta segurtasun neurri zorrotzak hartu dituzte. 2.000 polizia inguru izan dira auzitegiaren inguruan. Istilu batzuk izan dira eta polizia manifestarien aurka oldartu da.
Urrezko Egunsentia Greziako hirugarren talde parlamentarioa izatera iritsi zen, 18 eserleku eskuratuta. Alabaina, azkeneko hauteskundeetan ez zen botoen % 3 biltzeko gai izan eta, ondorioz, egun ez du ordezkaririk Parlamentuan.
Zure interesekoa izan daiteke
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.