Alemaniak ostalaritza itxiko du, baina eskolak eta merkataritza irekita egongo dira
Angela Merkel Alemaniako kantzilerrak eta landerretako agintariek tabernak eta jatetxeak ixtea, eta aisialdia, kultur eskaintza eta leku itxietako kirol ez profesionala debekatzea erabaki dute koronabirusari aurre egiteko neurri gisa, baina irekita eutsiko diote merkataritzak eta hezkuntzak.
Era berean, ahal den guztia murriztuko dira harreman sozialak eta batzarrak, Merkelek iragarri duenez. Neurriak azaroaren 2an jarriko dira indarrean, eta "osasun larrialdi nazionala saihestea" omen dute helburu, pandemia gogortzen ari dela ikusita.
Itxieraren ondorioz kaltetutako enpresei ordaina ematea aurreikusten du akordioak. Iazko garai berean izandako irabaziak aintzat hartuta, 10.000 milioi euro inguruko diru partida bideratuko dute.
"Astebetean bikoiztu egin da kutsatzeen kopurua. Orain ekin behar dugu", adierazi du Merkelek, kutsatze kopuru altuak arakatzea zailtzen duela aitortu aurretik.
Alemaniako Gobernuaren helburua "olatua haustea" da, bertako hedabideek zabaldu dutenez; eskolak berriro itxi behar ez izateko, eta merkataritzari eusteko.
Ondorioz, martxoan eta apirilean ezarritako murrizketak baino arinagoak izango dira, orduan merkataritza eta eskolak ere itxi zituztelako.
Neurri berriek lau asteko iraupena izango dute gutxienez, gabonetan berriro dena irekitzeko eta familien elkartzeak ahalbidetzeko.
Hori horrela, ezingo dira 10 pertsona baino gehiago elkartu elkarrekin bizi ez badira.
Era berean, beharrezkoa ez den bidaiarik ez egiteko eskatu dute, ezta herrialde barruan edo senitartekoak bisitatzeko bada ere. Turismo nazionala ere erabat debekatu dute.
Datuak
Birtualki egin duten gaurko bilera kutsatzeen goraka dela eta egin dute. Gaur beste ia 15.000 kasuren berri eman dute, duela hilabete ezinezkoa zirudiena, lehenengo oldea besteek baino hobeto kontrolatu zuen herrialde honetan.
Pandemia iritsi zenetik, 463.157 kasu atzeman dituzte Alemanian, eta 10.284 dira hildakoak.
Azken astean 100.000 biztanleko 99,1koa da kutsatze tasa, eta 50etik gora da arriskutsua bertako osasun agintarientzat.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.