150 pertsonatik gora atxilotu dituzte Herbehereetan, gauerdian izandako istiluetan
Herbehereetako Poliziak gutxienez 151 pertsona atxilotu ditu goizaldean, agenteen eta gazte taldeen artean izandako istiluetan. Etxeratze aginduaren aurka protesta deitu dute hiru egunez Herbehereetan.
Bi hiritan egin dituzte atxiloketak, Willem Woelers Poliziaren buruak jakitera eman duenez. Haren hitzetan, orduek aurrera egin ahala, atxiloketa gehiago egongo dira, luze jo baitute istiluek 's-Hertogenbosch eta Rotterdam hirietan.
's-Hertogenbosh hirian, 21:00etan hasi zituzten "erasoak", etxeratze agindua ezarri duten ordu berean. Sare sozialen bidez, protesta egiteko deialdia egin zuten hainbat gaztek. Su artifizialak erabilita, agenteen aurka jo zuten, eta leihoak apurtu zituzten, supermerkatu eta elektronika denda batean lapurtu zuten, autoak irauli zituzten eta hiri-altzariei su eman zieten.
"Sinestezina da gertatu dena. Jende honek ez du ikusten gizartean izua, kezka eta lotsa eragiten dutela. Asko gara ezer ulertzen ez dugunak", esan du Jack Mikkers alkateak.
Istiluen aurkako poliziak
Mikkersen esanetan, denbora asko igaro zen istiluen aurkako poliziak iritsi zirenera arte. Horregatik, "gazteak kontrolik gabe ibili ziren bidean aurkitzen zuten guztia apurtzen". Dirudienez, beste hiri batzuetan lanean zeudenez, beranduegi heldu ziren bertara agenteak.
Halere, Poliziaren esanetan, agenteek euren esku zegoen guztia egin zuten, eta ikerketa abiatu dute istiluetan parte hartu zuten guztiak atxilotzeko.
Zure interesekoa izan daiteke
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.
Nick Reiner atxilotu dute, Rob Reiner zinemagilearen eta Michele Singerren semea, gurasoen heriotzarekin lotura duelakoan
Senar-emazteak hilda agertu ziren igande honetan Brentwoodeko bien egoitzan, Los Angelesen, Estatu Batuetan.
Nazioarteko Zigor Auzitegiak Palestinako auzia ikertzen jarraituko du, Israelen helegitea baztertu baitu
Israelgo Gobernuak ikerketa bere gain hartu nahi zuen, eskumena zuela argudiatuta. Argudioa errotik ukatu du Zigor Auzitegiak, eta, hala, Fiskaltzak ikertzen jarraitu ahalko du.