George Floyden heriotzaren zenbait lekukok esan dute Chauvinek hil zuela hura
Minneapolisen George Floyd afroamerikarra hiltzeaz akusatuta dagoen Derek Chauvin polizia agentearen aurkako epaiketaren bigarren saioan, gertakarien lekuko izan ziren hainbat pertsonen lekukotzak entzun ahal izan dira. Denak bat etorri dira beldurra sentitu zutela eta gertaerak "latzak" izan zirela adieraztean.
Lekukotza ematen lehena Donald Williams izan da, "lekuko funtsezko" dena, borroka arte mistoetan profesionala eta segurtasun agentea izan delako, eta immobilizatzeko eta itotzeko teknikak ezagutzen dituelako. Hark adierazi duenez "hilketa bat" ikusi zuen, eta 911era deitu zuen Chauvin Floyden gainean ikusteak "asaldatu" egin zuelako. Epaiketan entzun ahal izan den dei horretan, Williams entzuten da polizia bat "herritar bat hiltzen saiatzen" ari zela ohartarazten. Gaineratu du agenteak behin baino gehiagotan aldatu zuela posizioa Floyden lepo gainean presio egiten jarraitu ahal izateko.
Beste lekuko batek, Minneapoliseko Genevieve Hansen suhiltzaileak, adierazi du "nola edo hala laguntzeko beharra" zuela, baina ezin izan zuela lagundu, polizia ohi batek eragotzi ziolako.
Bigarren saioan hitz egin du Darnella Frazierrek ere, mundu osora zabaldu zen bideoaren egilea, orduan adin txikikoa zena. "Gaur asko pasa ditut esna George Floyd-i barkamena eskatzen ezin izan nuelako ezer gehiago egin, ezin izan niolako bizia salbatu", azpimarratu du. Hunikiturik hitz egin du, eta adierazi du Floyd "izututa, beldurtuta eta bere biziagatik erregutzen" ikusi zuela. Gaineratu du, bere burua "arriskuan" ikusi zuela Chauvinek gelditzeko oihukatzen zioten jendearekiko izandako erreakzioaren ondorioz.
Judeah Reynoldsek, aurreko lekukoaren bederatzi urteko lehengusu eta gertaeren lekukoak, adierazi du "triste eta pixka bat haserre" sentitu zela, iruditzen baitzitzaion "Floydek arnas hartzeari uzten ziola". "Min egiten ari zitzaizkiola zirudien", gaineratu du.
Horiez gain, beste bi lagunek ere eman dute lekukotza epaiketaren bigarren saio honetan.
Bestalde, polizia ohiaren abokatuek epaimahaia konbentzitu nahi izan dute esanez, atxiloketan parte hartu zuten lau agenteak "mehatxatuta" sentitu zirela, inguruan bildu zen jendea "oihuka" hasi zitzaienean, akusatuak bere belauna Floyden lepoan zuen momentu horretan.
Zure interesekoa izan daiteke
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.
AEBk irlaren kontrola bereganatzeko helburua izaten jarraitzen duela ohartarazi du Groenlandiako lehen ministroak
AEBko presidenteak diskurtsoa leundu eta indarra erabiltzeko mehatxuetan atzera egin duen arren, Groenlandiak uste du presioak bere horretan jarraitzen duela.
Ehunka hildako Kongoko meategi batean izandako luizi batean
Luizia joan den ostegunean gertatu zen, M23 matxino-taldearen kontrolpean dagoen meategi batean. Hildako gehienak artisau-meatzariak dira, baina meategiaren inguruan lan egiten zuten merkatari txikiak eta inguruko herrixketako bizilagunak ere hil dira.