Talibanek beste hiriburu baten kontrola bereganatu dute, Faizabad
Talibanek kontrolpean hartu dute Faizabad hiria, Badakhxan probintziako hiriburua, eta azken astean eskuratutako bederatzigarren hiriburua dute hura.
Gauerdian, Hujatullah Khiratmandek, Parlamentuko Behe Ganberako eskualdearen diputatuak, baieztatu du matxinoek mendean hartu dutela hiria: "Talibanek kontrolpean hartu dute Faizabad, Badakhxan probintziako hiriburua".
Khiratmandek azaldu duenez, segurtasun-indarrek bizilagunak "hiritik ateratzea" eta Farkhar hirira mugiaraztea erabaki zuten talibanak iritsi zirenean. Horrela, soldaduek eta Faizabadeko hiritarrek Taloqanetik ere heldutako biztanleekin egin dute topo bertan.
"Etsaiak alde egin du eta mujahidinak haren atzetik joan dira", adierazi zuen Zabihullah Mujahidek, matxinoen bozeramaileak. Mujahidek berak gaineratu du ez dela inor zauritu.
Horrenbestez, talibanek bederatzi probintzia-hiriburu dituzte kontrolpean: Nimroz, Jawzjan, Sar-e-Pol, Kunduz, Takhar, Samaga, Farah, Baghlan eta Badakhxan probintzietako hiriburuak.
Kabul
Afganistango hiriburua errefuxiatuen kanpamentuaren antza hartzen ari da; izan ere, Kabulera iristen ari dira borroketatik ihesi doazen afganistandarrak.
"17.000 familia desplazatu erregistratu ditugu, baina gehiago diren beldur gara. 30.000 familia inguru izan litezke", adierazi du Ghulam Bahauddin Jailanik, Hondamendien Kudeaketarako ministroak.
Hala ere, datu horrek gora egin dezake hurrengo egunetan, herrialdeko iparraldetik familia asko Kabulera desplazatzen ari direlako.
420.000 desplazatu
Afganistango Gobernuaren arabera, gerrak 420.000 pertsona baino gehiago desplazatu ditu azken bi hilabeteetan. Bitartean, Gobernuak berak talibanei presioa eragitea eskatu dio nazioarteari, su-etena lortzeko.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.