Johnsonen gobernuko lau goi-kargudunek eman dute dimisioa egun bakarrean
Boris Johnson Erresuma Batuko Gobernuko lehen ministroaren lau goi-kargudunek dimisioa eman dute ostegun honetan, Gobernuko bozeramaile batek jakitera eman duenez.
Bozeramaile horren esanetan, Dan Rosenfield pertsonalburuak, Martin Reynolds Johnsonen idazkari pribatuak, Jack Doyle Gobernuko Komunikazio zuzendariak eta Munira Mirza departamentu politikoko buruak utziko dituzte karguak.
Lehen ministroak "onartu" egin ditu dimisioak, iturri horren arabera, eta ordezkoak aurkitu arte karguan jarraituko dutela gaineratu du.
Azken asteotan zabaldu denez, Rosenfield eta Reynolds, dimisioa iragartzen azkenak, Downing Streeten pandemiari aurre egiteko ezarritako murrizketak urratuz antolatutako festetan inplikatuta zeuden. Horietako hamabi ikertzen ari da Polizia orain.
Dirudienez, Reynoldsek ehun bat pertsona gonbidatu zituen festa batera 2020ko maiatzaren 20an, eta alkohola eramateko gonbita egin zien, "eguraldi ona aprobetxatzeko". Johnsonek onartu egin du ekitaldian egon zela, baina "laneko kontua" zela uste zuela gaineratu du.
Lider kontserbadorearen lankide horien dimisioei gaur iragarritako beste bienak batu zaizkie, Doyle eta Mirzarenak, hain zuzen.
Doyleren kargu-uztearen albistea The Daily Mail egunkarian (bertan lanean aritutakoa da) eman zuten, eta adierazi du haren dimisioa ez dagoela Mirzarenarekin lotuta, askoz ere mingarriagoa eta politikoki esanguratsuagoa baita azken hori lehen ministroarentzat.
Egunkariaren arabera, festen eskandaluan ere nahasita dagoen Doylek lankideei azaldu dienez, beti izan du Gobernuan "bi urtez bakarrik" lan egiteko asmoa, eta azken asteotako kritikek bere familia-bizitzan "ondorioak" izan dituztela aitortu du.
Mirzari dagokionez, Londresko alkate zenetik izan da liderraren alboan, eta horrek Keir Stamer oposizioko liderrari oinarririk gabe egindako salaketengatik egin dio uko bere karguari. Fiskaltzako zuzendaria zen orduan, eta Johnsonek gelditasuna leporatu zion, Jimmy Savile hildako aurkezlearen sexu-abusuen kasu entzutetsuan.
Dimisio-gutunean aholkulariak azaldu dionez, "okertu egin zen iradoki zuenean Starmer izan zela Jimmy Savile justiziatik ihes egiten uztearen arduradun zuzena", eta deitoratu du atzera egin ez izana eta, berak aholkatu bezala, barkamenik eskatu ez izana. Johnsonen aholkulari hurbilenetako bat zen.
Horiek gorabehera, bai oposizioak bai Johnsonen alderdiko kide askok, lehen ministroak dimititzea espero dute oraindik.
Albiste gehiago mundua
Ayestaran: "Asteazkenean AEBko bitartekariak batuko dira bake negoziazioetara, eta egun garrantzitsua izango da"
Israelen eta Hamasen arteko zeharkako elkarrizketen lehen bi egunetako giroa "positiboa" izan dela azaldu dute gertuko iturriek. Bihar, asteazkena, AEBko eta Turkiako bitartekariak batuko dira negoziazioetara, eta egun "garrantzitsua" izango dela diote adituek. Hainbat hedabideren arabera, baliteke ostegun edo ostiralean behin behineko akordio bat izatea mahai gainean, eta hori, Donald Trump presidente estatubatuarrak iragarriko luke. Bideoan, Mikel Ayestaran kazetariaren kronika.
AEBko eta Turkiako bitartekariak asteazken honetan batuko dira Gazako bake negoziazioetara
Orain arteko elkarrizketen diskrezioa erabatekoa bada ere, gertuko iturriek baieztatu dute giroa "positiboa" dela. Egiptoko hainbat hedabidek zabaldu dutenez, baliteke ostegun edo ostiralean behin behineko akordio bat izatea mahai gainean.
Aitor Zabalgogeaskoa: "Egoera antzekoa da Gazan, baina janari gehiago sartzen ari da azken egunetan"
Oso gutxi dira Gazan sartu daitezkeen atzerritarrak. Aitor Zabalgogeaskoa Getxoko medikua da horietako bat. Mugarik Gabeko Medikuak elkarteko koordinatzailea da eta bigarren aldiz laguntza ematera joan da Gazara. Ospitaleetan bizi duten egoera kontatu dio EITBri.
"Loratu egin behar gara, orain arte egindakoak, bestela, ez du ezertarako balioko"
Kissufim kibbutzean Hamasek hildako Ivan Illarramendi zarauztarraren aita-amaginarrebekin bildu gara, haren hilketaren bigarren urteurrenean. "Zauria ez da inoiz itxiko", adierazi du Dani Garcovich Illarramendiren aitaginarrebak.
Hamasek dioenez, U-7ko erasoa egin eta Israelek Gazan erasoaldia abiatu eta bi urtera, "borrokak jarraitu" egiten du
Adierazi duenez, erasoek "itzalak proiektatzen jarraitzen dute maila politikoan eta militarrean, eskualdean eta munduan". "Bi urteko samina, bidegabekeria, zapalkuntza, sufrimendu handia eta kostu handiak; erresistentziaren begiek, berriz, Jerusalemen, Al Aksako meskitaren eta Palestina osoaren askatasunari begira jarraitzen dute", azpimarratu du, eta "atzerriko okupatzaileei aurre egiteko orduan herrialdeko seme-alaben ausardia" goraipatu du.
Gisele Pelicotek auzitegira itzuli behar izan du, bortxatzaileetako batek helegitea aurkeztu baitu
Dominique Pelicoten eta dozenaka akusaturen aurkako epaiketa hasi zenetik urtebete baino gehiago igaro denean, akusatuetako baten apelazioa ebatzi beharko du Nimes hiriko epaile batek. Akusatuak bederatzi urteko espetxe-zigorra jaso zuen eta helegitea aurkeztu duen bakarra izan da.
Greta Thunberg "aztoratzailea" dela esan du Trumpek, eta ekintzaileak, ironiaz, haserrea kontrolatzeko aholkuak eskatu dizkio AEBko presidenteari
Thunbergi "medikuarenera joatea" gomendatu dio AEBko presidenteak. Ekintzailea Israeletik atera dute, Gazarako flotillan parte hartu ostean.
Israelen eta Hamasen arteko lehen negozioazioak "positiboak" izan dira
Bilerak astelehenean hasi ziren, Egiptoko Xarm el-Xeikh bainuetxean, Itsaso Gorrian, Trumpen proposamenaren lehen fasea ezartzeko mekanismoak eta xehetasunak adosteko. Proposamenaren arabera, Hamasek bahitu guztiak askatuko ditu, Israelek ehunka palestinar aske uztearen truke.
Albiste izango dira: Gaza bi urteren ondoren, Gobernu Irekirako Aliantzaren goi-bilera eta aurreakordioa Gasteizko lorezainen gatazkan
Gaurkoan Orain-en albiste izango direnen laburpena, bi hitzetan.
Rock kontzertua eman du Mileik Argentinan, ekaitz politikoaren erdian
Euforia nagusi, Argentinako presidente Javier Mileik rock kontzertu bat eskaini du Buenos Airesen, bere gertukoekin eta jende gazte askorekin batera. Bere Gobernuak eta bere alderdiak agertoki politiko eta ekonomiko konplexu bati egin behar diote aurre urriaren 26ko hauteskunde legegileen atarian. Ikuskizuna, artista ezagunen kantuak jo dituzte, Mileik idatzitako liburu bat aurkeztu aurretik, 'La Construcción del Milagro' izenekoa. Movistar Arenan izan da, Argentinako hiriburuko espazio ezagunean, bertako eta nazioarteko artista garrantzitsuak hartzen dituena.