Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Petrolio-eremu bat, Mexikon, artxiboko irudi batean. Argazkia: EFE
Brent petrolioaren prezioak gora jarraitzen du. Europako erreferentziazko upela % 1 baino gehiago garestitu da astearte honetan, goizeko 08:15ean, eta 111 dolar inguruan ibili da, Europako burtsak ireki aurretik. Horrela, nabarmen gainditu du AEBek eta Israelek Iranen aurka egindako erasoaren aurretik zuen 72 dolarren maila.
Bestalde, Estatu Batuetan erreferentzia den West Texas Intermediate (WTI) petrolioa % 2 baino gehiago garestitu da, eta 115 dolarretik gora kokatu da upela. Era berean, Europan erreferentzia den Herbehereetako TTF merkatuan gasaren prezioa % 0,4 igo da, eta megawatt orduko 50 euro baino garestiago jarri da.
Prezioen gorakada nazioarteko testuinguru geopolitikoarekin estuki lotuta dago. Petrolioaren eta gasaren prezioaren azken gorakada AEBko presidente Donald Trumpek astelehen honetan Irani emandako ultimatuma berretsi ostean etorri da; epea astearte goizaldean amaituko da, 02:00etan.
Trumpek ezarritako baldintzak
AEBko buruzagiak Irani Ormuzko itsasartea irekitzeko eskatu dio; izan ere, munduko petrolioaren eta gasaren % 20 inguru igarotzen da bertatik. Gatazkaren puntu beroenetako bat bihurtu da itsasarte estrategikoaren inguruko nabigazioa.
AEBk eta Israelek egindako erasoen ondoren, Iranek ia guztiz itxi du igarobidea, nahiz eta adierazi duen aurkariekin lerrokatuta ez dauden ontziei pasatzea baimentzen diela.
Trumpek ohartarazi dio Irani, pasabide estrategiko hori berriro irekitzen ez badu, herrialdea “gau bakarrean suntsitu” dezakeela. Zubiak lehertzearekin mehatxu egin du, eta zentral elektrikoak erasoko dituela, herrialdea “Harri Aroan bezala” utzi arte.
Hala, AEBko presidenteak azpimarratu du Ormuzko itsasartea berriz irekitzea “lehentasun handia” dela. Ontziei pasatzearen truke ordainsaria kobratzeko aukeraz galdetuta, esan du kobratu AEBk kobratu beharko lukeela, eta ez Iranek: “Hobe nik egitea, haiei egiten uztea baino”, gaineratu du, “irabazi egin" dutelakoan.
Azken proposamena
Bestalde, Trumpek adierazi du Iranek gatazka amaitzeko negoziazioen testuinguruan egindako azken proposamen diplomatikoa “ez dela nahikoa ona”, nahiz eta “urrats oso esanguratsua” dela onartu, bere ultimatumaren harira.
Zehazki, Irango Gobernuak kontraproposamen bat helarazi dio AEBri: su-eten partziala baztertzen du, eta epe luzerako irtenbide bat planteatu, zigorrak kentzea eskatzen du eta Ormuzko itsasartetik igarotzeko protokolo berri bat proposatzen du.
Zure interesekoa izan daiteke
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.