Eureka! zientzia museoak ateak irekita jarrai lezake: itxiera bi urtez atzeratzea aztertzen ari dira
Kutxa Fundazioaren patronatuak bilera egingo du bihar, osteguna, Eureka! zientzia museoaren itxieraren gaineko hausnarketa egiteko, eta jarduerari eusteko aukera aztertzeko. Ekainaren amaierarako zegoen aurreikusita museoa ixtea.
Gauzak ondo bidean, Eureka! Zientzia Museoaren itxiera bi urtez luzatuko da. Kutxa Fundazioaren patronatuak bilera egingo du bihar, osteguna, Eureka! zientzia museoaren itxieraren gainean hausnartzeko eta jarduerari eusteko aukera aztertzeko.
Ekain amaierarako zegoen aurreikusita museoa ofizialki ixtea, baina, bart, eskutitza igorri dio Jon Insausti Donostiako alkateak patronatuari, ikerketa eta zientziaren garrantziaz jabetuta eta herritarren ezinegonarekin bat eginez.
Eureka! museoa Donostia zientzia-hiri izan dadin lortzeko bidean erreferente bilakatu dela kontuan hartuta, eta Tabakaleran zabalduko den Atenea egitasmoa prest egon arte —alegia, 2027ra arte, gutxienez— ez ditzala ateak itxi eskatu dio Insaustik Kutxa Patronatuari.
Eta gaur itxaropentxu agertu da Donostiako alkatea. Adierazi du "erakundeen lankidetza" beharrezkoa bada, Udala "bertan izango" dela.
Insaustik ez ezik, euskal komunitate zientifikoak ere ahotsa altxatu zuen itxieraren aurka.
Bien bitartean, Kutxa Fundazioak adierazi du "ulertu" egiten duela herritarrek adierazitako interesa, eta "etorkizuneko aukera posibleak barrutik aztertzen" ari dela. Komunikabideei bidalitako adierazpen batean, Fundazioak berretsi egin du "erakundeekin elkarlanean aritzeko" prest dagoela, eta jarduteko borondatez.
Ikusteko dago biharko bileran zer erabaki hartuko duten, baina, itxura guztien arabera, itxiera bi urtez luzatuko dute.
Zure interesekoa izan daiteke
Oreretako Xenpelar Bertso Eskolako irakasle baten erasoak salatu dituzte eta Udalak bertan behera utzi du eskolaren jarduera
Bertsozale Elkarteak, Oreretako Mugimendu Feministak eta Oiartzungo Feministen Asanbladak salatu dutenez, bertso-irakasle horrek “bere posizioa eta erreferentzialtasuna baliatu ditu modu sistematizatuan botere-harremanak garatzeko eta erasotzeko”. 2018an jaso zuen lehen salaketa eta ordutik hona neurriak hartu badira ere, erasoek jarraitu egin dute. Errenteriako Udalak jakinarazi du Bertso Eskolako zuzendaritzako kide batek guxtienez babestu duela erasotzailea eta, beraz, Udal zerbitzua izanik eta egoeraren "larritasunaz" jabetuta, bertan behera utzi du eskolaren jarduera.
Bilboko Pagasarribide eskolako beste adin txikiko bat ospitalera eraman dute, bero kolpeak jota
Astebetean beroagatik ikastetxe horretan artatu behar izan duten laugarren ikaslea da.
Bilboko hainbat ikastetxe publikotako guraso elkarteek beroari aurre egiteko erakundeen "utzikeria" salatu dute
Bilboko hainbat eskola publikotako guraso elkarteek salatu dutenez, beroaren ondorioz ikasgeletan gertatu diren lipotimia edo gastroenteritis kasuak onartezinak dira, eta esku hartzeko eskatu diete erakundeei. Are gehiago, berehalako neurriak hartzea eskatu dute.
Senegalen hil zen arrantzale lekeitiarraren gorpua Dakarren da dagoeneko, autopsiaren zain
Azken orduak Dakarreko portu parean ainguratuta egon ostean, agintarien ikuskaritza pasa du eta baimena jaso du porturatzeko. Joan den asteazkenean hil zen arrantzalea ontzian, lanean zela. Heriotza ez traumatikoa izan zen. Autopsia egin ostean hasiko dituzte aberriratzeko tramiteak.
Nafarroan bizi den gizon bat atxilotu dute Errioxan gazte bat hiltzea egotzita
Erasoa Fuenmayorren gertatu da, Logroñotik 14 kilometrora. Hildakoaz gain, emakume bat zauritu da eta ospitaleratu egin dute.
Auto-ilara luzeak GI-20 errepidean, Donostian, Bilborako noranzkoan izandako istripu baten ondorioz
Auto-ilara luzeak daude GI-20 errepidean, Donostia parean, Bilborako noranzkoan izandako istripu baten ondorioz.
119 pertsona identifikatu dituzte Gasteizko URSSA eta EGA fabriketan, eta beren gauzak aterarazi dizkiete
Ertzaintzak, Polizia Nazionalak eta Udaltzaingoak dispositibo bat jarri dute abian Adurtza auzoan abandonatuta dauden bi lantegietan, "osasungarritasun" arrazoiengatik. Operatiboan hainbat objektu aurkitu dituzte, eta nondik datozen ikertzen ari dira.
Pertsona bat hil da eta ehundik gora artatu dituzte EAEn, beroaren ondorioz
Osakidetzak emandako datuen arabera, hildakoa Arabako 80 urteko herritar bat da. Artatu dituzten kasu gehienek sintoma arinak zituzten: zorabioak, nekea edota desorientazioa bezalako sintomekin lotutakoak.
Barakaldo eta Erandio lotuko dituen pasabidea muntatzen hasi dira
All Iron Barakaldo eta Erandio oinezkoentzat zein txirrindularientzat lotuko dituen plataformaren muntaketak lehen urratsa eman du. Bi garabi erraldoi aritu dira gaur goizean pasabidearen lehen bi zatiak instalatzeko lanetan. Pasabide berriaren lanak 2027ko udan amaitzea aurreikusten dira
Astelehenean herrian eraso homofobo "bortitz" bat gertatu zela salatu du Tolosako Udalak
Udalak bere elkartasun eta babes osoa helarazi dizkio erasoa jasan duen pertsonari eta haren ingurukoei, eta "gorroto, diskriminazio edo indarkeria adierazpen oro —sexu-orientazioagatik zein genero-identitate edo adierazpenagatik— errotik gaitzesten" duela berretsi du.