119 pertsona identifikatu dituzte Gasteizko URSSA eta EGA fabriketan, eta beren gauzak aterarazi dizkiete
Ertzaintzak, Polizia Nazionalak eta Udaltzaingoak dispositibo bat jarri dute abian Adurtza auzoan abandonatuta dauden bi lantegietan, "osasungarritasun" arrazoiengatik. Operatiboan hainbat objektu aurkitu dituzte, eta nondik datozen ikertzen ari dira.
Gasteizen URSSA eta EGA enpresek dituzten fabrika abandonatuetan operazioa egin dute asteazken goizean Polizia Nazionalak, Ertzaintzak eta Udaltzaingoak, bertan gaua pasatzen duten pertsonak identifikatu ahal izateko.
Operatiboan 06:00etan hasi da eta goiz erdian amaitu zuten. Bien bitartean, pabilioietara sartu eta miaketak egin dituzte. Horrez gainera, agenteek barruan zeuden 119 pertsona identifikatu dituzte, eta beren objektuak eraikinetik aterarazi dizkiete.
Ikerketako iturriek jakitera eman dutenez, operazioa "osasungarritasun" arrazoiengatik egin dute, leku horrek dituen osasun eta bizigarritasun baldintza eskasengatik. Horrez gainera, "segurtasun arrazoiak" ere aipatu dituzte; izan ere, ustez, fabriketan bizi diren 'okupa' batzuek delituak egin dituzte, baita istiluak eragin ere. Ildo horretan, hainbat objektu aurkitu dituztela eta horien jatorria ikertzen ari direla jakinarazi dute.
Polizia Nazionalak Atzerritartasun lanak ere egin ditu; identifikatutako pertsonak egoera administratibo irregularrean dauden ala ez zehazteko dokumentuak egiaztatu dituzte. Ertzaintzarekin batera, Udaltzaingoak ere parte hartu du dispositiboan, eta sarrera eta esku-hartzearen nondik norakoak kontrolatu dituzte.
Abandonatutako lantegietako pabiloietan lo egiten duten pertsona batzuek "bizitzeko leku egokia ez" dela deitoratu dute, nahiz eta etsipenez onartzen duten bertan jarraituko dutela, ez baitute nora joan.
Azken asteetan, Gasteizko Errekaleor auzo autogestionatuko okupekin istiluak izan dituzte instalazio horietan bizi diren hainbat lagunek. Hainbat pertsona Udalaren jabetzakoa den auzoko etxebizitza huts batera sartzen saiatu ziren, eta hainbat pertsona zauritu ziren.
Zure interesekoa izan daiteke
Almeriako baso-sutea egonkortu dute, eta 1.000 pertsona etxera itzuli ahal izango dira
Guztira 7.000 hektarea erre ditu suak, eta 12 dira hildako pertsonak, eta 18 zaurituak, horietako bost larri.
Gasteizko Ironmaneko lehiakide bat hil da
25 urteko gizonezko britainiarra ondoezik sentitu da Uribarri Ganboako urtegiko igeriketa proban, eta bertan hil da.
Gizonezko bat hil da gaur goizean Orioko hondartzan
39 urteko gizonezkoa ondoezik atera dute uretatik, eta suspertzen saiatu diren arren, bertan hil da.
Bi pertsona atxilotu dituzte Usurbilen, botika baten 52.000 dosi atzeman ostean
Gainera, beste pertsona bat ikertzen ari dira, Gipuzkoako farmazia baten arduraduna, azken bi urteetan botika horren "eskaera handiak" egin dituena.
33 urteko gizon bat hil da Errenterian, arma zuriz egindako zauriak direla eta
Ertzaintzak 23 urteko gizon bat atxilotu du, labankada bat eman diolakoan. Gertakariak 09:00ak aldera jazo dira, Kaputxinos auzoko ostalaritza-establezimendu baten inguruan.
Entzierro zirraragarria, La Palmosillako zezenen eskutik
Une arriskutsuak bizi izan dira lasterketan, baina korrikaldi politak ere ikusi ahal izan dira bi minutu eta 23 segundo iraun duen entzierroan. Pertsona bat zauritu da ukondoan adarkada bat jasota.
Bi ikusle ospitalera eraman dituzte Tolosan, Donosti Cupeko partida batean izandako istiluengatik
Murtziako eta AEBko 10 eta 11 urte arteko umeen bi talde ari ziren lehiatzen, eta jarraitzaileak borrokan hasi ziren harmailan.
Los Gallardoseko sutea ez da hedatu eta badirudi aurki egonkortzeko modua izango dutela
Haizeak eta hezetasun mailak arnasaldia eman dute eta aukera baliatu dute suhiltzaileek hura kontrolpean hartzen saiatzeko. "Suak ez du aurrera egin gaur", jakinarazi du pozarren Bolaños ministroak.
Gizon bat atxilotu dute Santutxuko meskita batean pintaketak egiteagatik, gorroto-delitua egotzita
Gertakariak 09:30ean jazo dira. Ertzaintzak abisu bat jaso du, ohartaraziz pertsona bat pintaketak egiten ari zela komunitate musulmanaren aurkako gorroto-adierazpenekin.
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.