Ukrainaren eskaera hirukoitza: "Armak, armak eta armak"
Ukrainaren gaineko ofentsiba errusiarraren bigarren fasean aurrera egiteko konponbidea, Ukrainaren, NATOren eta Europar Batasunaren iritziz, Kievera arma hilgarri gehiago bidaltzea da, "herrialdearen mendebaldean gerra gogortu eta denboran luzatu daitekeela ikusita".
Dimitro Kuleba Ukrainako Atzerri ministroak argi hitz egin du: "Nire agenda oso sinplea da, hiru puntu baino ez ditu: armak, armak eta armak", eta halaxe eskatu dio NATOri, "errusiaren eraso militarrari aurre egiteko eta Butxakoa bezalako zibilen triskantzak saihesteko" armak.
Ministro ukrainarrak adierazi du Kievek material astuna behar duela, "hegazkinak, irismen laburreko misilak, ibilgailu blindatuak eta defentsarako sistema astunak". Hori da, Kulebaren esanetan, Ukrainari laguntzeko "modurik onena".
Adierazpen horiek NATO lehen aldiz Ukrainako agintariei gisa horretako materialarekin laguntzera prest agertu den unean iritsi dira. Lehendik ere armak bidaltzen dituzten NATOko estatu kideak, bidalketa horiek indartzera eta Ukrainaren eskaerari erantzutera animatu ditzake horrek. Atzo, Atzerri ministro aliatuen lehen bileraren aurretik, Jens Stoltenberg NATOko idazkari nagusiak azpimarratu zuen Kievek "premiaz" behar duela laguntza militar gehiago, eta parez pare zabaldui zion atea ekipamendu astuna bidaltzeko aukerari.
Josep Borrell Europar Batasuneko (EB) Atzerri Politika eta Segurtasunerako goi-ordezkariak ostegun honetan berretsi duenez, Ukrainak "arma gehiago, txalo gutxiago eta arma gehiago" behar ditu, eta Errusiari zigor gehiago ezarri (petrolioari barne) eta presioa egiten jarraitzearen eta nazioarteko isolamenduari eustearen alde egin du.
Jose Manuel Albares Espainiako Atzerri ministroak adierazi duenez, Estatu espainiarrari dagokionez, "e dago oraintxe mahai gainean" Errusiatik defendatzeko Ukrainara tankeak, hegazkinak eta arma astunak bidaltzeko aukera. Albaresen esanetan, "Espainia dagoeneko ari da material militarrarekin, laguntza humanitarioarekin, zigorrekin eta babes politikoarekin laguntzen", eta berriro ere argi utzi du NATOk ez duela zuzenean bidaltzen armamentua, herrialde aliatu bakoitzak erabakitzen duela zer egin.
Operazio militar errusiarra hasi zenetik eta hasi aurreko asteetan, Ukrainak ipar hemisferioko herrialde ugaritatik jaso du armamentua (arina eta astuna); horien artean daude Europar Batasuneko hogei bat herrialde (Txekiar Errepublika, Polonia, Frantzia, Belgika, Alemania, Suedia, Finlandia, Herbehereak, Danimarka, Portugal, Italia, Errumania, Kroazia, Eslovakia, Luxenburgo, Grezia, Lituania, Estonia eta Espainia), bai eta Erresuma Batua, AEB, Kanada, Turkia eta Arabiar Emirerri Batuak.
Zure interesekoa izan daiteke
Europak babesa erakutsi dio Ukrainari, gerraren laugarren urteurrenean
Europak buruzagi nagusiek, horien artean, Ursula von der Leyen eta Antonio Costa Europako Batzordeko eta Europako Kontseiluko presidenteak, hurrenez hurren, Volodimir Zelenskiri erabateko babesa agertu diote gaur goizean Kieven. Errusiak Ukrainan inbasioa hasi zuenetik lau urte bete direnean, Santa Sofiako katedralean egindako zeremonian hartu dute parte, eta gerran hildakoak gogoratu dituzte.
Laurence des Cars Louvre Museoko presidenteak dimisioa eman du
Emmanuel Macron Frantziako presidenteak dimisioa onartu du, eta Des Cars polemikaren erdian zegoen, 2025ean Frantziako hiriburuko pinakotekan izandako bitxi lapurreta handiaren ostean.
Lau urte, Ukrainako gerra hasi zenetik
Ukrainako presidenteak Europaren eta Estatu Batuen arteko batasunari eusteko deia egin du Errusiari aurre egin ahal izateko. Kremlinak, bere aldetik, adierazi du inbasioarekin jarraitzeko asmoa duela, helburu guztiak lortu arte. Errusiak inbasioari ekin zioneko urteurrena dela eta, Europako goi agintariak Ukrainara gerturatu dira babesa adierazteko eta hainbat euskal eragilek ekitaldiak antolatu dituzte, Bilbon eta Iruñean, bakea eskatzeko.
Indarrean sartu da AEBren % 10eko muga-zerga globala
Pasa den ostiralean onartu zen muga-zerga, 1974ko Komertzio Legearen 122 atalaren babespean, zeinak eskumena ematen baitio presidenteari nazioarteko ordainketa arazoei aurre egiteko, errekagu edo inportazio-murrizketa berezien bitartez. AEBko Auzitegi Gorenak baliogabetutako muga-zergen aldean, zerga global hori behin-behinekoa da, eta otsailaren 24tik, gehienez ere, 150 egunez aplikatu ahalko dira.
EBk ez du Errusiaren aurkako zigor gehiagorik onartu, ezta Ukrainari laguntza ematea ere, gerraren laugarren urteurrenaren bezperan
Hungariak betoa jarri die bi akordioei, eta baldintza gisa jarri du Ukrainak bere herrialdeari eta Eslovakiari Errusiako petrolioaren fluxua berrezartzea. Eslovakia ere zigor sorta berriaren aurka agertu da. Bien bitartean, Errusiak bere soldaduak omendu ditu Aberriaren Defendatzaileen egunean.
Indarkeria oldea zabaldu da Mexikon, "El Mencho" Jaliscoko kartel baten burua erail ostean
Nemesio Ruben Oseguera Cervantes "El Mencho" Jaliscoko Nueva Generacion kartelaren burua hil dute AEBko Inteligentziarekin elkarlanean egindako operazio militar batean. Horri erantzunez, narkoblokeoak izan dira Jalisco hegoaldeko hainbat puntutan, ibilgailuei su eman eta errepideak itxi baitituzte. Estatuko gobernuak "kode gorria" aktibatu du eta garraio publikoa eta aurrez aurreko eskolak bertan behera utzi ditu.
"El Mencho" narkotrafikatzaile eta Jalisco Nueva Generacion kartelaren burua hil dute
Jaliscon (mendebaldea) eta herrialdeko beste bost estatutan herritarrak kalera ez ateratzeko alerta zabaldu dute agintariek, hilketa horrek eragindako istiluak direla eta.
Bruselak kontraesanak ikusi ditu muga-zerga berrien eta EBren eta AEBren arteko itunaren artean, eta argibideak eskatu dizkio Trumpi
Bi aldeek abuztuan adostutako itun komertziala errespetatzeko eskatu dio Bruselak AEBri: "Tratu bat tratu bat da".
Trumpek Floridan duen egoitzan armatuta sartu den gizon bat hil dute AEBko Zerbitzu Sekretuek
Hildakoa Austin Tucker Martin izan liteke, Ipar Carolinako 21 urteko gizon bat. Antza denez, arma bat eta erregai-bidoi bat zeramatzan. AEBko presidentea ez zegoen Mar-a-Lagon bertara sartu denean.
Alemaniako kantzilerraren alderdiak 14 urteko gutxieneko adina proposatu du sare sozialetan sartzeko
CDUk lege-araudi bat nahi du Alemaniarako zein Europa osorako, plataformetako operadoreek datuen babesa betez, adina egiaztatzeko sistema bat ezar dezaten.