Jean-Rene Etchegaray eta Alain Iriart, Euskal Hirigune Elkargoko lehendakari izateko borrokan
Bi hautagaiek bildu dituzte boto gehien lehen bozketan: Etchegarayk 99 eta Iriartek 80. Etxeleku jeltzalea eta Lesellier eskuin muturreko hautagaia ez dira bigarren bozketara aurkeztu, eta lehenengoak iragarri du Iriarten alde egingo duela.
Euskal Hirigune Elkargoaren gaurko bilkura. EITB
Martxoko udal hauteskundeen ondotik, Euskal Hirigune Elkargoaren kontseilu berria bildu da gaur, erakundeko lehendakaria aukeratzeko. Hasiera batean lau hautagai izan badira ere, lehen bozketan ezein hautagaik ez du gehiengo osoa lortu, eta bigarren bozketarako, Etxelekuk eta Lesellierrek hautagaitza erretiratu dute. Kanboko auzapezak, gainera, iragarri du Iriarten alde egingo duela. Horrenbestez, Etchegarayren eta Iriarten artean egongo da lehia.
09:00etan hasi da bilkura, eta hasierako eztabaidan hautagai bakoitzak bost minutuko tartea izan du bere proposamenak aurkezteko. Lehen bozketan, ezein hautagaik ez du lortu beharrezkoa zuen gehiengo osoa (114 boto), eta, hala, bigarrenean aukeratuko dute nork gidatuko duen erakundea.
Hauxe izan da bozketaren emaitza: Etchegarayk 99 boto lortu ditu; Iriartek, 80; Etxelekuk, 49; eta Lesellierrek, 1. Iriartek eskatuta, 15 minutuz eten dute saioa.
Jean-Rene Etchegaray (Renaissance, Baionako auzapeza) Elkargoaren egungo lehendakariak hirugarrenez aurkeztu du hautagaitza. Euskal Elkargoak orain arte jorratutako bideari eusteko asmoz eta zerbitzu publikoak herri txikietara iritsarazteko xedez aurkeztu du bere burua, “zentroko hautagai bakar” gisa. Kostaldearen eta barnealdearen oreka faltaren auzia onartuta, bide horretan lan egiteko lehendakariordetza bat sortuko duela iragarri du. "Auzapezekin eta Elkargoko lurralde ordezkaritzekin harreman zuzena izateko lehendakariorde bat izendatuko dut, batez ere udalerri ttipietako alkateen ahotsa entzun dadin. Mezuak entzuten ditut, horra froga", esan zuen Etchegarayk bere hautagaitza aurkeztu zuenean.
Elkargoaren orain arteko bi agintaldietan hautagai bakarra izana zen Etchegaray, baina, oraingoan, gutxienez beste hiru hautagai izango ditu lehian. Hala, parean izango du Alain Iriart (EH Bai, Hiriburuko auzapeza). Ezkerreko abertzalea deszentralizazioaren aldekoa da (politikoa, administratiboa nahiz ekonomikoa), eta, Etchegarayk bezala, kostaldearen eta barnealdearen arteko oreka du jomugan. Hori dela eta, beharrezkotzat jo du kostaldean tentsioa arintzeko barnealdea garatzea, besteak beste, etxebizitza soziala eta aktibitate ekonomikoa sustatuz. Halaber, lehendakari hautatua izanez gero, Hiriburuko auzapez kargua utziko lukeela iragarri du.
Hautagaitza aurkeztu du Peio Etxeleku EAJko kide eta Kanboko auzapezak ere. Lurralde desorekak zuzentzearen aldeko jarrera iragarri du. Elkargoaren “bigarren fase” batera pasatu eta Frantziako Estatuak lurraldeen kohesiorako diseinatua duen SCoT (Lurralde Koherentzia Eskema) estrategia martxan jartzea bilatuko luke, ehun ekonomikoa garatu, dibertsifikatu eta orekatzeko. Deszentralizaziorako proposamena da berea, hautetsiei erabakimena emateko, gastuak murrizteko eta barnealdeari “merezi duen lekua” emateko.
Azken orduan iragarri du bere hautagaitza Pascal Lesellier (RN, Batasun Nazionala) Baionako eskuin muturreko hautetsiak ere. Elkargoan auzapezak kasik botererik gabe geratu direla salatzeko aurkeztu dela azaldu du.
Zure interesekoa izan daiteke
Sendagaien hornikuntza falta saihestea helburu duen lege berria onartu du Ministroen Kontseiluak
Oporren ondoren, Diputatuen Kongresuko izapideak hasiko ditu arau berri honek, indarrean jarri ahal izateko. Hornidurarik eza saihesteaz gain, legeak aurrezpena handitu nahi dio pazienteari, prezio-sistema berri baten bidez.
Martinez Martinez enpresariak bitartekari gisa aurkeztu du Zapatero, eta 530.000 euro jaso zituela onartu du
Julio Martinez Martinez enpresariak adierazi duenez, Zapaterok erreskatearen % 1aren ordainketa dibertsifikatzea agindu zuen.
Pradales lehendakariak Espainiako selekzioan dabiltzan jokalariak zoriondu ditu, Munduko Futbol Txapelketa irabazi dutela eta
Chivite lehendakariak gaur arratsaldean harrera egingo dio Mikel Merinori.
Jaurlaritzak zail iritzi dio transferentzien inguruko akordioa lortzeari eta uztailean aldebiko batzordea biltzeari
Maria Ubarretxena bozeramailearen esanetan, gaur-gaurkoz ez dira Bitariko Batzordearen bilera egiteko bermeak betetzen eta aurrerapauso handiak eman beharko lirateke abuztua aurretik lehendakaria eta Sanchez elkartu ahal izateko.
Berriozabal (EAJ): “Ez dut nahi nire ondoan Euskal Selekzioaren aldarrikapenerako indarkeria erabiltzen duenik”
Jone Berriozabal, Araba Buru Batzarraren presidentea, Euskadi Irratiko Faktoria saioan izan da, eta Munduko Futbol Txapelketaren finalaren inguruan izandako istiluak gaitzetsi egin ditu. Haren ustez, Espainiako selekzioaren jarraitzaileen kontrako erasoak ez dira bateragarriak Euskal Selekzioen ofizialtasunaren aldeko aldarriarekin. “Ez dut nahi nire ondoan Euskal Selekzioaren aldarrikapenerako indarkeria erabiltzen duenik”, adierazi du.
Julio Martinez enpresariak Rodriguez Zapatero inplikatu du Plus Ultrari emandako maileguan
Auzitegi Nazionaleko epaileari zuzendutako idazki batean, presidente ohiak airelinearen erreskatean "jarraitu beharreko pausoak markatu" zituela esan du ikertuak, eta bitartekari izateagatik % 1eko komisioa jaso zuela onartu du.
Epaileak inputatu gisa galdekatuko du Jessica Rodriguez, Abalosen bikotekide ohia, Ineco eta Tragsatecen "entxufez" sartzeagatik
Ikertu gisa deklaratuko dute, gertakari berberengatik, Abalosen aholkulari ohi Koldo Garciaren anaiak, Joseba Garciak ere, bai eta Ignacio Zaldivarrek ere, Adifeko goi-kargudun ohiak.
Ehunka lagun bildu dira euskal selekzioaren aldeko mobilizazioetan, Mundialeko Finalaren atarian
Goizean manifestazioa izan da Baionan eta arratsaldean Bilbon, Donostian, Eibarren, Gasteizen eta Iruñean izan dira euskal selekzioaren aldeko hitzorduak.
Andy Burnhamek Gobernu britainiarraren buruzagitza hartuko du astelehen honetan
Manchesterreko alkate ohia zazpigarren lehen ministroa izango da 10 urtean, Keir Starmer laboristaren ordez.
Duela 50 urteko alkateek diote Euskal Herriak oraindik ez dituela orduko helburuak bete
Bergaran bizi izan zuten egun historikoa gogoratu dute 1976ko alkateek. Urduri baina ilusioz itzuli dira orduko ekitaldiaren lekura, Euskal Herriaren historian mugarri izan zen une hura oroitzera. Orduko lorpenak nabarmendu dituzte, eta etorkizunari begira ere itxaropentsu agertu dira.