Gustavo Petrok irabazi ditu hauteskundeak, eta ezkerrak zuzenduko du Kolonbia lehen aldiz
Ezkerrak garaipen historikoa lortu du igande honetan Kolonbiako presidentetza hauteskundeetako bigarren itzulian, eta, historian lehen aldiz, herrialdea zuzenduko du. Gustavo Petro ezkerreko hautagaiak 700.601 botoko aldea atera dio Rodolfo Hernandez populistari, botoen % 100 zenbatuta dagoela.
Itun Historikoa koalizioko buruzagiak babesen % 50,44 jaso du, eta Hernandez Ustelkeriaren Kontrako Agintarien Ligako hautagaiak, botoen % 47,31.
Parte hartzea inoizko handiena izan da, hots, % 58,09koa, eta, hortaz, abstentzioa mende honetako txikiena (% 41,91). Guztira, hauteskunde erroldan izena emandako 39.002.239 kolonbiarretatik 22.658.694k eman dute botoa.
Garaipena baieztatu osteko lehen agerraldian, benetako aldaketa agindu du presidente hautatuak. "Benetako aldaketa datorkigu, eta konpromiso hori betetzeko gure existentzia eta gure bizia emango dugu. Ez diegu boto emaile horiei traiziorik egingo. Herri honek deiadar egin du gaur Kolonbia aldatuko dela gaurtik aurrera, Kolonbia beste bat dela", adierazi du.
Azaldu duenez, Gobernua "baketik eta gizarte eta ingurugiro justiziatik" zuzenduko du. Kolonbiako presidente berriaren hitzetan, bakea du helburu nagusi eta "itun nazional handi baten" alde egin du. "Rodolfo Hernandezi botoa eman diotenak ere ongietorriak dira Gobernu horretan. Ez dugu boterea erabiliko arerioa suntsitzeko".
Presidenteordeak "gixajoen gobernua" ospatu du
Francia Marquez Kolonbiako presidenteorde hautatuaren kargua betetzen duen lehen emakume beltza izango da. Pozarren agertu da, historian lehen aldiz, "gobernu herritar bat, gixajoen gobernu bat", egongo delako Kolonbian. "Nazioa adiskidetzeko pauso garrantzitsua izango da", erantsi du.
"Goazen anai-arrebok nazio hau berriro adiskidetzera, egin dezagun bakearen alde irmo, beldur barik, maitasunarekin eta poztasunarekin, duintasunez, eta justizia sozialaren alde", aldarrikatu du Marquezek.
Rodolfo Hernandez hautagai populistak porrota onartu du eta adierazi du espero duela Petrok herrialdea zuzentzen asmatzea.
Orain arte Kolonbiako presidentea izan den Ivan Duquek ere Gustavo Petro zoriondu du. "Gustavo Petrori deitu diot zoriontzeko. Datozen egunetan biltzea adostu dugu trantsizio harmoniko, instituzional eta garden bat abiatzeko", esan du Duquek Twiterren duen kontuan.
Petrok abuztuaren 7an hartuko du presidente kargua.
Zure interesekoa izan daiteke
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdietako liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.