Laguntza iristen hasia da Afganistango lurrikarak eragindako milaka kaltetuentzat
Laguntza iristen hasi zaie ostegun honetan, Afganistango ekialdean izandako 6,1 graduko lurrikarak gehien kolpatutako eremuetan dauden milaka kaltetuei. Mila pertsona baino gehiago hil ziren lur astinduaren ondorioz, eta beste 1.500 inguru zauritu, herrialdean azken hamarkadetan gertatutako hondamendi okerrenetako bat izan den honetan.
Larrialdi humanitarioari erantzuteko, konboi bat atera da Kabuletik, "4.000 pertsonari" berehalako babesa emateko, "aterpetxeekin, karpekin, burusiekin eta eguraldi txarraz babesteko zein euren berehalako sorospen beharrak artatzeko bestelako gaiekin", Leonard Zulu Afganistango Errefuxiatuentzako NBEko Agentziako (ACNUR) ordezkariak Twitter bidez iragarri duenez.
Gainera, Elikagaien Mundu Programak (EMP) ere baietsi du elikagai gordekinak dituela Paktikan, hondamendiak gehien kaltetutako probintzietako batean, 14.000 pertsona artatzeko. Munduko Osasun Elkarteak (MOE), bestalde, hamar tona hornidura mediko bidali ditu, 5.400 ebakuntza egiteko eta hiru hilabetean zehar 36.000 pertsonaren tratamendu medikoak estaltzeko adina.
Sorospen eta hornidura medikoen bidalketez gain, aterpe gehiago eta WASH programaren babesa eskatu dituzte. Hain zuzen ere, programa hori ura saneatzeaz eta higienizatzeaz arduratzen da giza kontsumoa baimentzeko eta, hala, hondamendi naturalek eragindako kutsadurak ekar ditzakeen gaixotasun posibleak ekiditeko.
"Lurrikaren osteko kolera agerraldiak benetan kezkatzeko modukoak dira. 500.000 sabeleko kasu akutu baietsi dira jada herrialde osoan. Abian dira agerraldi bat saihesteko prestaketak", adierazi du ostegun honetan Gai Humanitarioak Koordinatzeko NBEren Bulegoak.
NBEk ohartarazi duenez, "15 milioi dolar beharko dira gutxienez" hiru hilabetez sei barruti kaltetuenetako biztanleriaren beharrak artatzeko. Oraingoz, Europar Batasunak eta Koreak 2 milioi dolarreko laguntza helaraziko dutela agindu dute.
Hondamendiari emandako erantzunaren aurrean, talibanek zenbait herrialde eta elkarte humanitarioren laguntza eskertu dute, baita bizirik atera direnak artatzeko lanean ari diren afganistandar erreskate unitateen ahalegina ere. Dena dela, azpimarratu dute biktimak epe luzera sorosteko adina funts behar dituztela.
Aurretik ere, gerrak, lehorte zorrotzak, uholdeek eta muturreko zailtasun ekonomikoek eragindako suntsipenetik suspertzeko borrokan ari ziren afganistandar biztanleak. Maiz gertatzen diren lurrikarak batu zaizkio horri, bereziki Hindu Kush gisa ezaguna den eremuan, aktibitate sismiko handiko gunea eta mugimendu telurikoen ohizko jatorri puntua.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.