Suedia eta Finlandia NATOn sartzea ahalbidetuko du Turkiak
Turkiak ez du betorik jarriko eta Suedia eta Finlandia NATOn sartzea ahalbidetuko du. Recep Tayyip Erdogan presidente turkiarra, Magdalena Andersson lehen ministro suediarra eta Sauli Niinisto presidente finlandiarra arratsalde honetan bildu dira Madrilen eta, ezustean akordio batera iritsi dira.
Batzarrean Jens Stoltenberg NATOko idazkari nagusiak ere parte hartu du.
Orain arte Turkiak Finlandia eta Suedia NATOn sartzea blokeatu du, besteak beste, Kurdistango Langileen Alderdia eta miliziak babesten dituztela argudiatuta.
Alabaina, Stoltenbergek azaldu duenez, hiru herrialdeek sinatutako akordioan kontuan hartu dituzte "Ankararen kezkak", tartean "armen esportazioari eta terrorismoaren aurkako borrokari lotutakoak".
"NATOko aliatu gisa, Finlandiak eta Suediak konpromisoa hartu dute Turkiaren segurtasun nazionala babesteko", erantsi du.
Horrela, bada, Stoltenbergek iragarri du bi herrialde horiek euren legediak aldatuko dituztela Kurdistango Langileen Alderdiaren eta Turkian jarduten duten milizia kurduen kontrako "neurri irmoak" ezartzeko. Halaber, estradizioei buruz hitz egiteko prest agertu dira.
Gaurko itunaren ondotik, Aliantza Atlantiarreko buruzagiek NATOn sartzera gonbidatuko dituzte Finlandia eta Suedia. Madrileko goi-bileraren ostean hautagai-estatusa izango dute, baina prozesua ez da erabat gauzatuko 30 herrialde aliatuek beren oniritzia eman arte.
Zure interesekoa izan daiteke
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzeko itsasartera laguntza bidaltzeko prest agertu dira
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.