Gustavo Petro Kolonbiako lehenengo presidente ezkertiarra karguaz jabetu da
Gustavo Petro Kolonbiako presidente hautetsia karguaz jabetu da igandean dozenaka estatubururen eta 100.000 pertsonaren aurrean izan den ekitaldi ofizialean. Kolonbiako lehen presidente ezkertiar bihurtu da Petro.
"Jainkoari agintzen diot Kolonbiako Konstituzioa eta legeak leialki beteko ditudala", esan du Petrok Kongresuko presidentearen aurrean.
Larunbat honetan Bogotan egindako agerraldian, Kolonbiako lehenengo "kolore anitzeko demokrazia" inauguratuko duela hitzeman du Petrok. "Errepublikaren presidentearen izenean, herrialdearen kulturaniztasunaren inguruan antolatzeko deia egiten dizuet, herri-antolakuntzaren bidez aniztasuna kudeatu eta konektatu behar dugulako", esan du Petrok larunbat honetan herri indigena, afro, nekazari eta etnikoen aurrean egindako inbestidura-saio "herrikoian eta espiritualean".
"Mugimendu sozialekin osatutako Gobernua inauguratu behar dugu, ez mugimendu sozialen inguruko Gobernurik ezta gutxiago ere mugimendu sozialekin bukatuko duen Gobernurik", azpimarratu du Petrok. "Demokrazia berriaren eraikuntza izango da, herrialdean inoiz bizi ez dugun kolore anitzeko demokrazia, alegia", iragarri du.
Giza mugimenduek Petroren alde oro har bozkatu zuten hauteskundeetan, eta, horien aurrean, horrela definitu du Petrok bere burua: "agintzen duena baizik, agindua betetzen duena da buruzagia. Eta nork eskatu du agindua? Herriak".
Petroren profila
Joan den ekainaren 20an, Kolonbian izandako presidentetzarako hauteskundeen bigarren itzulia irabazi zuen Gustavo Petro Itun Historikoa alderdiaren hautagaiak, Rodolfo Hernandez populistari 700.000 botoko aldea aterata.
Petrok 62 urte ditu, ekonomialaria da formazioz, eta proposatutako aldaketen artean daude nekazaritza erreforma, gutxieneko diru sarrera onartzea eta istiluen aurkako polizia taldeak desegitea.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.