"Azken argazkia" kanpaina britainiarrak erakusten du suizidioa ez dela jendeak irudikatzen duen modukoa
Suizidioa osasun publikoko arazo larria da; herrialde guztietan gertatzen den fenomeno globala. Horregatik, "pandemia" hori geldiarazteko asmoz, joan den ekainean, Campaign Against Living Miserably (CALM) GKE britainiarrak "Azken argazkia" kanpaina abiarazi zuen gizarteari erakusteko "suizidak ez diruditela beti suizidak". Horretarako, hainbat pertsonak beren burua hil baino lehen egindako azken argazkiak erakusten dituzte.
Irudi horietan, protagonistak beren egunerokotasunean agertzen dira, urtebetetzeak ospatzen, jaietan, lagunekin eta senideekin txantxetan; irribarretsu, erlaxatuta, axolagabe eta pozik agertzen dira. Horregatik, ekimenak munduari erakutsi nahi dio suizidioaren seinaleak, askotan, ikusezinak direla edo ez direla herritarrek, oro har, imajinatzen duten bezalakoak.
Horrela, CALM-ek pertzepzio faltsu horiekin amaitu nahi du eta suizidioaren inguruko estigma desagerrarazten saiatu. Era berean, gaiari heltzeko eta aurrea hartzen saiatzeko aholkuak eta tresnak ematen ditu; izan ere, "arraroa eta deserosoa badirudi ere, suizidioari buruz hitz egitea izan liteke elkarrizketa garrantzitsuena".
GKE britainiarraren arabera, "hitz egiteak bizitzak salbatzen ditu", eta, beraz, suizidioari buruz berba egitearen alde egiten du, gure bizitzaren zati bat izan dadin eta pertsonek elkarri lagundu ahal izan diezaioten, eta, horrela, estigma hori ezabatu eta laguntza eskatzea ahalbidetu eta normalizatu dadin.
Izan ere, suizidioa da munduan heriotza ez-naturalaren lehen kausa; Euskadin, pertsona bat hiltzen da bi egunean behin (184 guztira, 2020an), eta astean bat Nafarroan (42, 2020an). Espainiako Estatuan, datuak egunean 10 suizidio izateraino igotzen dira; munduan, berriz, pertsona batek bere buruaz beste egitea erabakitzen du 40 segundotik behin. Britainia Handiaren kasuan, 125 pertsona hiltzen dira astean arrazoi horrengatik.
Espainiako Estatuan, Osasun Ministerioak maiatzaren 10ean jarri zuen jokabide suizidari arreta emateko telefono bat (024), 'Dei iezaiozu bizitzari' lelopean. Ordutik, 34.000 dei baino gehiago jaso ditu; horietatik, 1.500 112 larrialdi-zerbitzuetara bideratu zituen, eta, guztira, 585 suizidio identifikatu zituen.
Ministerioaren datuen arabera, telefonoak egunero 300 dei inguru hartzen ditu gaur egun. 024 linea martxan dago eguneko 24 orduetan, asteko zazpi egunetan eta urteko egun guztietan.
Doakoa, irisgarria, berehalakoa eta konfidentziala da, eta adituen laguntza du jokabide suizida duten pertsonei, senideei eta gertukoei laguntzeko eta, beharrezkoa izanez gero, arrisku handiko egoera konplexuetan esku hartzeko.
Zure interesekoa izan daiteke
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.