NBEk irmoki gaitzetsi ditu Errusiaren planak: "Onartezina da Ukrainako lurraldeak anexionatzea"
Errusiak Ukrainako lau lurralde nahi ditu anexionatu, hain zuzen Donetsk, Luhansk, Jerson eta Zaporizhia, eta NBEren idazkari nagusi Antonio Guterresek irmoki gaitzetsi ditu plan horiek; izan ere, mugimendu hori "onartezina da", eta, "gatazkan, eskalada arriskutsua da". "Ukrainar lurralde horien anexioarekin lotutako edozein erabakik ez du lege baliorik izango, eta salatzea merezi du", esan die kazetariei.
Guterresek argi utzi du anexioak Nazio Batuen Gutunaren aurkakoak direla, "nazioarteko erkidegoak aldeztu behar duenaren kontra doaz". "Ez du lekurik mundu modernoan. Ez dago onartzerik", berretsi du Guterresek. Nabarmendu duenez, NBEk erabateko konpromisoa du "Ukrainako subiranotasunarekin, batasunarekin, independentziarekin eta lurralde osotasunarekin, nazioarte mailan onartuta dituen mugei dagokienez".
Azpimarratu ere azpimarratu du erreferendumak indarrean dagoen gatazka armatu baten testuinguruan egin dituztela, errusiar okupaziopean, eta Ukrainako esaparru legaletik eta konstituzionaletik kanpo: "Ez dago pentsatzerik herri borondatearen benetako adierazpenik denik", esan du Guterresek. NBEko idazkari nagusiaren iritziz, Moskuk anexio planekin aurrera jarraituz gero, bake itxaropenek gero eta oztopo gehiago izango dituzte.
Idazkari nagusi gisa, esan du Guterresek, bere betebeharra da "Nazio Batzuen Gutuna aldeztea", eta gogora ekarri du Errusiak, Segurtasun Kontseiluko kide den heinean, ardura berezia duela hastapen horiek errespetatzeko.
NBEren idazkari nagusiaren bozeramaile Stephane Dujarricek zehaztu duenez, Guterresek zuzenean helarazi dio kezka Errusiak NBEn duen enbaxadoreari, alegia, Vasili Nebenziari.
Kremlinek iragarri duenez, Vladimir Putinek ostiralean sinatuko ditu Donetsk, Luhansk, Kherson eta Zaporizhia anexionatzeko hitzarmenak. Erreferendumak egin dituzte Ukrainako ekialdean eta hegoaldean dauden lurralde horietan; errusiar indarrek partzialki dituzte kontrolpean.
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.