Gutxienez zazpi lagun hil dira Donetsk eskualdean, merkatu batean, errusiar bonbardaketa batengatik
Gutxienez zazpi lagun hil dira eta beste zortzi zauritu asteazkenean Avdivka ukrainar hirian, merkatu batean, Errusiak egindako bonbardaketa baten ondorioz.
Pavlo Kirilenko gobernadoreak, Kieveko aliatua bera, Telegramen esan duenez, erasoa lehen orduan egin dute, merkatuan "jende asko" zegoen tarte batean.
"Ez dago logika militarrik bonbardaketa hauetan", deitoratu du Kirilenkok. Haren iritziz, Errusiak zibilen kontrako ekintzak gogortu ditu ez baita gai ukrainar indarrak geldiarazteko herrialdeko ekialdean eta hegoaldean. Hala, eskatu die herritarrei eskualdetik alde egiteko, segurtasuna nagusitu arte.
Donetsk Errusiaren eta Ukrainaren arteko borroka gune nagusietakoa da. Moskuk, orain, eskualdearen jabetza aldarrikatzen du, Vladimir Putinek anexioa sinatuta. Luhansk, Jerson eta Zaporizhia ere anexionatu ditu Errusiak.
Erasoak zazpi eskualdetan
Azken orduetan, Errusiak Ukrainako zazpi eskualdetan egin ditu erasoak, eta, bitartean, Jersonen, borrokatzen jarraitzen dute. Hala dio Ukrinform agentziak jasotako laburpenak, eskualde administraritza militarrek emandako informazioa jasota.
Hala, errusiar indarrek Zaporizhia hiriari eraso diote berriro ere, baita inguruko lurraldeei ere, gauean. Guztira, zazpi S-300 misil baliatu dituzte; bik eskualdearen erdiko Barruti batean jo dute, eta gainerakoek aldirietan, kalte handirik eragin gabe.
"Gauean, etsaiak, beste behin, eraso traidorea egin du gauean, misilak erabiliz. Zazpi bat S-300 misil jaurti dituzte Zaporizhiaren eta inguruko eskualdeen aurka", eman du jakitera, Telegramen, Oleksandr Starujek, bertako administraritza militarreko burua bera.
Ukrainako beste eskualde hauetan ere izan dira erasoak: Sumy, Dnipropetrovsk, Jarkiv, Luhansk eta Mykolaiv. Armadak, halaber, Beryslav barrutian, beste bost kokaleku askatu ditu.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.