Errusiak Ukrainako hiri nagusiak bonbardatu ditu Kerch zubiaren aurkako erasoaren ostean
Gutxienez 14 zibil hil, eta 97 zauritu dira Errusiak Ukraina osoko hirien aurka egindako erasoen ondorioz, Kieveko ordezkaritzak NBEn adierazi duenez.
Vladimir Putin Errusiako presidenteak mehatxu egin dio Ukrainari. Ohartarazi dionez, "ekintza terroristek jarraitzen badute, gogorragoa izango da erantzuna". Kieven eta Ukrainako beste hiri batzuen kontra egindako bonbardaketaren ostean mintzatu da Putin.
Putinen aburuz, Ukrainak Zaporizhiako zentral nuklearraren kontra egindako erasoak "terrorismo nuklearra" dira. Horiez gain, salatu du Ukrainako zerbitzu bereziek Kurskeko (Errusia) zentral nuklearraren aurka "hiru eraso terrorista" egin dituztela.
Ukrainako Energia Ministerioak adierazi duenez, Errusiaren erasoak Europar Batasunera (EB) egindako argindar esportazioak gelditzera behartuko du astearte honetatik aurrera.
Hainbat azpiestazio elektrikotan eragindako kalteen ondorioz, neurri hori hartu behar izan dute Ukrainako sarea egonkortzeko, Ministerioak ohar batean jakinarazi duenez.
Erreakzioak
Jens Stoltenberg NATOko idazkari nagusiak Twitter bidez gaitzetsi ditu Errusiak Ukrainako zibilen aurka egindako eraso "lazgarri eta bereizi gabeak", eta ziurtatu du aliatuek "behar den denboran" eutsiko diotela Kievi.
EBko erakundeetako buruek ere gaitzetsi egin dituzte astelehen honetan izandako erasoak, "ekintza kriminala" izan direla esanez.
Josep Borrell EBko Atzerri Politikako goi-ordezkariaren kasua da hori, eta "oso hunkituta" agertu da bere ustez "XXI. mendean lekurik ez duten" erasoengatik. "Irmo gaitzesten ditut", adierazi du Twitter bidez.
Antonio Guterres NBEko idazkari nagusiak esan du erasoak "onartezinak" direla, eta zibilak "preziorik altuena ordaintzen" ari direla.
"Idazkari nagusia oso hunkituta dago Errusiako Federazioko indar armatuek misilekin egindako gaurko erasoengatik", adierazi du ohar batean Stephane Dujarric bozeramaileak.
Bestalde, Joe Biden AEBko presidenteak salatu du erasoek agerian uzten dutela Vladimir Putin Errusiako presidentearen "erabateko basakeria", Ukrainako "legez kanpoko" gerran.
"Eraso horiek zibilak hil eta zauritu dituzte, eta helburu militarrik gabeko jomugak suntsitu", adierazi du Etxe Zuriak igorritako ohar batean, eta doluminak helarazi dizkie biktimen senideei, lagunei eta ezagunei.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.