23 ultraeskuindar atxilotu dituzte Alemanian, Estatu kolpea prestatzeagatik
Alemaniako Fiskaltzak jakitera eman du asteazkenean Estatu kolpe bat prestatzen ari zen alemaniar erakunde terrorista bateko ustezko kide diren 22 susmagarri atxilotu dituztela, bai eta erakunde horren aldeko diren beste hiru ultraeskuindar ere. 23 atxiloketa Alemanian egin dituzte; beste bat, Austrian; eta beste bat, Italian.
Susmagarriak erakunde bateko kide direlakoan dago Fiskaltza. Erakunde hori, beranduenez, iazko azaroan sortu zuten, eta haren helburua da "Alemanian ezarritako Estatuko ordenari amaiera ematea, Estatuko haren moduarekin ordezkatzeko. Modu horren ildo nagusiak landuta dituzte".
"Erakunde horretako kideek jakin badakite plan hori gauzatzeko baliabide militarrak erabili behar dituztela, bai eta Estatuko ordezkarien aurkako indarkeria ere". Horrek heriotzak ere aurreikusten ditu: "Maila guztietan izango den sistema aldaketa lortzeko bitarteko urratsa izango litzateke" heriotzak egotea, dio agiriak.
Akusatuek "sakonki gaitzesten dituzte Estatuko erakundeak eta Alemaniako Errepublika Federaleko ordena liberal demokratikoa". Hori dela eta, denboraren poderioz erabaki dute ordena hori "bortizki eraisteko lanetan parte hartzea", eta horretarako prestaketa lanetan hastea.
Konspirazio mitoak
Taldeko kideak hainbat konspirazio mitoren jarraitzaileak dira. Batez ere, bi dira horien iturriak: alde batetik, Reichsbürgerren ideologia izenekoa, alegia, egungo Alemaniako subiranotasuna aitortzen ez duen mugimenduarena; bestetik, QAnon mugimendua, hau da, Ameriketako Estatu Batuetan sortutako konspirazio teorietako bat, eskuin muturrekoa bera. Erakundeko organo nagusia "kontseilu" bat da, eta, horrez gain, "adar armatua" ere badu; azken horri dagokio boterea armen indarrez eskuratzeko ardura.
Fiskaltzak adierazi duenez, erakundeko kide batzuek zerbitzu aktiboa dute egina alemaniar Armadan, eta atxilotuetako bi taldeko buruetako batzuk dira. Guztira, 24 alemaniar herritar atxilotu dituzte, eta errusiar herritar bat ere.
Atxiloketak estatu federatu hauetan egin dituzte: Baden-Württemberg, Bavaria, Berlin, Hessen, Saxonia Beherea, Saxonia eta Turingia. Horrez gain, Austriako atxiloketa Kitzbühelen gauzatu dute, eta beste bat, Italiakoa Perugian.
3.000 agente baino gehiago dabiltza sarekadetan, eta beste estatu batzuetan ari dira oraindik (Brandenburgo, Ipar Renania-Westfalia, Renania-Palatinatua eta Sarre). Beste 27 akusaturen aurka ari dira.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.