Itxi dute Rafahko pasabidea, laguntza humanitarioa zeramaten 20 kamioiak Gazan hustu ostean
Gazako Zerrenda laguntza humanitarioa jasotzen hasi da, urriaren 7an Hamasen eta Isralen arteko gerra hasi zenetik hornidurarik gabe egon ostean. Atzo, Hamasek bi bahitu estatubatuar askatu zituen, baina Israelen bonbardaketek ez dute etenik, eta 4.000 gazatarretik gora hil ditu jada.
AEBko Gobernuak Israelen duen enbaxadak aurreratu duen moduan, bertan 10:00ak zirenean ireki dute Rafahko pasabidea, eta jakiak eta sendagaiak zeramatzaten 20 kamioi hustu dituzte bertan, muga berriro itxi aurretik.
Pasabidea urriaren 7tik zegoen itxita, eta hori irekitzea izan da nazioarteko negoziazioen lehentasun nagusietako bat, milaka eta milaka gazatar baitaude bizirauteko gutxieneko elikagairik eta sendagairik gabe.
Hamasek berak Al Jazeerari bidalitako ohar batean baieztatu du laguntza jasotzen hasi direla, eta zehaztu du "20 bat kamioi" izango zirela, eta "sendagaiak, medikuek erabiltzeko gailuak eta elikagaiak" eramango zituztela.
Dena dela, Israelgo Armadak ohartarazi duenez, ez du laguntza humanitarioa iparraldera iristen utziko, bertako biztanleei berehala ateratzeko eskatu baitie Hamasen aurkako erasoak egiteko.
Atzo, gutxienez 18 pertsona hil zituen Israelgo Armadak Gazan, San Porfirio eliza ortodoxoari egindako erasoan. Ehunka pertsona zeuden bertan babestuta, familia ugari tartean, haur eta guzti.
Israelgo Armadak aitortu zuen inguru horretan bonbardaketaren bat egin zuela eta "eliza baten paretak kalteak" izan zituela.
Hamasek 1.400 pertsona hil eta 200 bahitu zituen urriaren 7an Israelgo hegoaldean egindako erasoan, eta Israelen erantzunak oraingoz 4.137 hildako eta 13.162 zauritu utzi ditu. Israelgo Armada lurreko erasoari ekiteko prest dago, baina oraindik ez du abiatu.
Atzo, Abu Obeida Hamasen arlo armatuko Al Qasam Brigaden bozeramaileak iragarri zuen bahituta zituzten bi emakume estatubatuar libre utzi dituztela, "arrazoi humanitarioak" argudiatuta, Qatarren bitartekaritzari esker.
Bestalde, Nazio Batuen Erakundeak jakinarazi duenez, 1,4 milioi gazatarrek alde egin behar izan dute etxetik, hau da, eremuko biztanleen bi herenek.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
Dozenaka pertsona atxilotu dituzte goizeko lehen zatian Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.